گه‌ڕان

Shadow Shadow
سیاسه‌تی

زانیاری زیاتر

ژمارەی کەسانی کوتراو بە ڤاکسینی کۆرۆنا توشبووانی نەخۆشییەکەی تێپەڕاند

2021.02.12 - 11:09
App store icon Play store icon Play store icon
ژمارەی کەسانی کوتراو بە ڤاکسینی کۆرۆنا توشبووانی نەخۆشییەکەی تێپەڕاند

ناس کورد-

زیاتر لە 159 ملیۆن کەس بەڤاکسینی دژبە ڤایرۆسی کۆرۆنا لەجیهاندا کوتراون، ئەمەریکا بەپلەی یەکەم دێت و چین بەپلەی دووەم و بەریتانیاش بەپلەی سێهەم، هەروەها ئیسرائیلیش بەپلەی یەکەم دێت کە بەرزترین ڕێژەی دانیشتووانی بە ڤاکسینی کۆرۆنا کوتراون.

 

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێکی ئاژانسی هەواڵی" تاس"ی ڕوسی (هەینی 12ی شوباتی 2021) کە" ناس کورد" بەدواداچوونی بۆکردووە، "زیاتر لە 159,3 ملیۆن کەس بەڤاکسینی دژ ڤایرۆسی کۆرۆنا لە جیهاندا کوتراون".

 

بەگوێرەی ڕاپۆرتەکە، " زیاتر لە 2 ٪ ی دانیشتووانی سەر زەوی کوتراون، کە بەگوێرەی داتاکانی ڕێکخراوی نەتەوە یەکگرتووەکان لەساڵی 2020 نزیکەی هەشت ملیار کەس مەزەندە دەکرێت".

 

ڕاپۆرتەکە ئاماژەی بەوشکردووە، " لە ماوەی حەوت ڕۆژی ڕابردوودا نزیکەی شەش ملیۆن کەس لە جیهاتدا بە ڤاکسنی دژ بە کۆرۆنا کوتراون، ئەوە لە کاتێکدا کە 3ی ئەم مانگەدا ژمارەی ئەو کەسانەی کە بەڤاکسینەکە کوتراون بۆیەکەم جار لە ژمارەی تووشبووانی پەتاکە زیاتربێت".

 

ئاژانسە ڕوسییەکە ئەوەشی خستووەتەڕوو،" بەپلەی یەکەم ئەمەریکا دێت کە زیاتر لە 48 ملیۆن کەس لە دانیشتووانەکەی بە ڤاکسینەکە کوتاوە،  چین لە پلەی دووەمدایە و زیاتر لە 40 ملیۆن هاوڵاتی کوتراون، بەریتانیاش بەپلەی سێهەم دێت کە 14 ملیۆن کەس لە هاوڵاتیانی بە ڤاکسینەکە تائێستا کوتراون".

 

ئاماژە بەوەشکراوە، "بەرزترین ڕێژەی دانیشتووانی کوتراو بە ڤاکسین لەسەر ئاستی جیهان  لە ئیسرائیلە کە زیاتر 69 ٪ ی هاووڵاتیانی کوتراون وئیماراتتیش بەپلەی دووەم دێت کە زیاتر لە  49 ٪ هاوڵاتیانی بە ڤاکسینی دژ بە پەتاکە کوتاوە".

 

لەسەرەتای سەرهەڵدانی پەتای کۆرۆنا لەشاری ووهان لە وڵاتی چین لەکۆتاییەکانی ساڵی 2019وە تائێستا زیاتر لە 107 ملیۆن کەس تووشی نەخۆشییەکە بوون و زیاتر لەدوو ملیۆن و 300 هەزار کەسیش بە هۆی ئەوپەتایەوە گیانیان لە دەست داوە .