گه‌ڕان

Shadow Shadow
سیاسه‌تی

چیان لەبارەى قاسم سولەیمانییەوە وت؟

نوێنەرى بارزانى بەڵێنێک بە ئێران دەدات: تاوانبارەکان رادەست دەکەینەوە

2021.02.11 - 18:57
App store icon Play store icon Play store icon
نوێنەرى بارزانى بەڵێنێک بە ئێران دەدات: تاوانبارەکان رادەست دەکەینەوە

ناس کورد-

 

هۆشیار زێبارى نوێنەرى تایبەتى مەسعود بارزانى بەڵێنى رادەستکردنەوەى "تاوانبارە دەربازبووە ئێرانییەکان" ى بەو وڵاتەدا و جەختیشیکردەوە کە هەرگیز یارمەتى قاسم سولەیمانى بۆ هەرێم لەبیر ناکات.

کەناڵی ناس کورد لە تێلیگرام جۆین بکە   

 

ئەو وتانەى زێبارى کە بەسەرۆکایەتى شاندێکى پارتى لەبەغدایە، لەمیانەى کۆبوونەوەی شاندەکەدا هات لەگەڵ ئایەتوڵڵا ئیبراهیم ڕەییسی سەرۆکی دەزگای دادی ئێران، ئەوەش بەپێی پێگەى فەرمى میهرى ئێرانى کە "ناس کورد" بەدواداچوونى بۆ کردووە.

 

بەپێی ماڵپەڕەکە، لەکۆبوونەوەکەدا رەیسى وتویەتى "متمانە کردن بە ئەمریکییەکان هەڵەیە چونکە ئەوان خەڵکی عێراق یان هەرێمیان خۆش ناوێت و داڵغەی ئاسایشی خەڵکی عێراقیان نییە".

 

وتیشى "ئەو ڕۆژانەی کوردستانی عێراق کەوتبووە ژێر دەسەڵاتی داعش، خەڵکی ئێران پێیان وابوو ماڵ و حاڵی خۆیان تاڵان کراوە".

 

رەیسى هەروەها داوای لە هەرێم کردووە "تاوانبارە دەربازبووەکان" بۆ هەرێمی کوردستان ڕادەستی ئێران بکەنەوە، چونکە ئەوان ماڵی خەڵکیان تاڵان کردووە و بۆ کوردستانی عێراق دەرباز بوون "ئێوە نابێ ئیزنی مانەوەی تاوانباران لە وڵاتەکەتان بدەن".

 

لاى خۆیەوە، زێبارى کە ماڵپەڕەکە بە نوێنەرى تایبەتى مەسعود بارزانى ناویبردووە لەکۆبوونەوەکەدا وتویەتى "ئێران یەکەم وڵات بوو بۆ بەرەنگاری لە گەڵ داعش یارمەتی خەڵکی عێراقی دا".

 

باسى لەوەشکردووە، ئەو و باڵوێزی ئێران لە عێراق بینەری یارمەتی سولەیمانی بۆ بەرەنگاری لە گەڵ داعش بوون و هەرگیز لەبیری ناکەن.

 

زێباری هەروەها ئامادەیی هەرێمی کوردستانی عێراقی بۆ ڕادەست کردنەوەی "تاوانبارە دەربازبووە ئێرانییەکان" بە دەزگای دادی ئێران ڕاگەیاند و وتی "ئامادەین هاوکاری تەواومان لە بوارەدا لە گەڵ ئێران ببێت".