گه‌ڕان

Shadow Shadow
سیاسه‌تی

وردەکاریى

چەمچەماڵ؛ تەقە لەکارمەندێکی ئاسایش کرا و گیانى لەدەستدا 

2021.02.10 - 19:15
App store icon Play store icon Play store icon
چەمچەماڵ؛ تەقە لەکارمەندێکی ئاسایش کرا و گیانى لەدەستدا 

ناس کورد-

سەرچاوەیەکی ئەمنی لە چەمچەماڵ ڕایگەیاند، ئێوارەی ئەمڕۆ کارمەندێکی ئاسایشی قادر کەرەم لە ناحیەی شۆڕش لەلایەن کەسێکەوە تەقەی لێکراوە و کوژراوە.

 

کەناڵی ناس کورد لە تێلیگرام جۆین بکە   

کەناڵی ناس کورد لە تێلیگرام جۆین بکە

 

سەرچاوەیەک لە قەزای چەمچەماڵ (10ی شوباتی 2021) کە نەیویست ناوەکەی ئاشکرا بکرێت  بە "ناس کورد"ی ڕاگەیاند، ئێوارەی ئەمڕۆ لە ناحیەی شۆڕش تەقە لە (ن. ع. م) کارمەندی ئاسایش لە قادر کەرەم کراوە و کوژراوە و دوای ئاگادارکردنەوەی هێزە ئەمنییەکان لە ئێستادا لێکۆڵینەوە لە ڕووداوەکە دەستی پێکردووە.

 

وتیشی "ئەوەی کە باس کراوە ڕووداوەکە بەهۆی کێشەی کۆمەڵایەتییەوە بووە و کوژراوەکەش یەک فیشەکی بەرکەوتووە".

ڕاشیگەیاند، کوژراوەکە ماڵیان لە گەڕەکی قادر کەرەمییەکانە لە ناحیەی شۆڕش و هەر لەو شوێنەش تەقەی لێکراوە.

بەپێی زانیارییەکانی "ناس کورد" ئەوکەسەی کوژراوە تەمەنی 49 ساڵە. 

ڕوداوەکە لە کاتێکدایە کە پێشنیوەڕۆی ئەمڕۆ (چوارشەممە) لە بازگەی تاسڵوجە شەڕ لەنێوان هێزی ئاسایش و هێزێکی سەر بە جەعفەر شێخ مستەفا، جێگری سەرۆکى هەرێمی کوردستان دروستبو و لە ئەنجامدا ئاسایشێک کوژرا و پێنج ئاسایشى دیکە بریندار بوون.