گه‌ڕان

Shadow Shadow
سیاسه‌تی

ڕوونکردنەوەیەک لە جەعفەر شێخ مستەفاوە لەبارەى شەڕەکەى بازگەی تاسڵوجە

2021.02.10 - 16:06
App store icon Play store icon Play store icon
ڕوونکردنەوەیەک لە جەعفەر شێخ مستەفاوە لەبارەى شەڕەکەى بازگەی تاسڵوجە

ناس کورد-

جەعفەر شێخ مستەفا، جێگری سەرۆکی هەرێم و فەرماندەی فیرقەی ئاڵتوی هێزەکانی پێشمەرگە ڕوونکردنەوەیەکی لەسەر ڕووداوەکەى بازگەی تاسڵوجە بڵاوکردەوە و دەڵێت، لەکاتی ڕووداوەکەدا "ئەو پێشمەرگانەمان دەست بەجێ ڕادەستکرد کە بەشداری ئەو ئاڵۆزییە بوون."

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

نوسینگەی تایبەتی جەعفەر شێخ مستەفا لە ڕوونکردنەوەیەکدا کە کۆپییەکی دەستی "ناس کورد" کەوتووە (10ی شوباتی 2021) دەڵێت، "سەرلەبەیانی ئەمڕۆ لە بازگەی دەروازەی تاسلوجە، ئاڵۆزییەک دەکەوێتە نێوان چەند پێشمەرگەیەک و برایانی ئاسایشی سلێمانی کە بە داخەوە بوە هۆی شەهیدبوونی برایەکی ئاسایش بە ناوی (شاخەوان ئەحمەد محمد)، لێرەوە پرسە و سەرەخۆشی خۆمان ڕادەگەیەنین لە خوای گەورە داواکارین کە گیانی پاکی بە بەهەشتی بەرین شاد بکات."

 

دەشڵێت، "لە کاتی ئاگادارکردنمان لەم ڕووداوە ئانیە، دەستبەجێ فەرمانمان دا کە هەر کەسێک دەستی هەبووە لەو ڕووداوە، ڕووبەڕوی یاسا بکرێتەوە، بۆیە ئەو پێشمەرگانەمان دەستبەجێ ڕادەستکرد کە بەشداری ئەو ئاڵۆزییە بوون."

 

باسی لەوەشکردووە کە "ئێمە خۆمان بە بەشێک لە ئاسایشی ئەم هەرێمە دەزانین، هەموو کات ئامادەین بۆ پارێزگاریکردن لە سەروەری یاسا."

 

هاوکات ئاسایشی سلێمانی ڕوونکردنەوە لەسەر شەڕ و پێکدادانەکەى بازگەی تاسڵوجە دەدات و دەڵێت، "لێکتێنەگەیشتنێک لەنێوان ئۆتۆمبێلێکی هێزەکانی پێشمەرگە و ئاسایشی بازگەکە ڕوویداوە،" بەهۆیەوە ئاسایشێک کوژراوە و پێنجی تریش بریندار بوون.  

  

کەناڵی ناس کورد لە تێلیگرام جۆین بکە  

  

ئاسایشی سلێمانی لە ڕوونکردنەوەیەکدا کە وێنەیەکی دەست "ناس کورد" کەوتووە (10ی شوباتی 2021) ڕایگەیاندووە، "سەر لەبەریانی ئەمڕۆ لە بازگەی تاسڵوجە سەر بە بەڕێوەبەرایەتی ئاسایشی سلێمانی لەکاتی تێپەڕبوونی ئۆتۆمبێلێکی سەر بە هێزەکانی پێشمەرگە، لێکتێنەگەشتنێک لەنێوان پێشمەرگەکان و کارمەندانی بازگەکە دروستبووە و لە ئەنجامدا بووەتە دەماقاڵی و شەڕ لەلایەن پێشمەرگەکانەوە بە چەقۆ هێرشکراوەتە سەر چەند کارمەندێکی ئاسایش و بریندار کراون."  

  

باس لەوەشکراوە، "بەهۆی شەڕەکەوە بەداخەوە عەریف شاخەوان ئەحمەد مەحمود کارمەندی ئاسایشی بازگەکە بەهۆی سەختی برینەکەی شەهیدبووەو پێنج کارمەندی دیکە برینداربوون."  

  

ئاسایشی سلێمانی ئەوەشی وتووە، "دوای دروستبوونی کێشەکە توانراوە بەهەوڵ و هیمەتی هەموو لایەک ئاڵۆزییەکان کۆتایی پێبهێنرێت و دەستبەجێ لیژنەی لێکۆڵینەوە پێکهێنرا بۆ ئەوەی یاسا بەرقەرار بێت، هەردوو لایەنی هۆکاری دروستبوونی کێشەکە بە فەرمانی دادوەر ڕاگیراون".  

101022021_1.jpg