گه‌ڕان

Shadow Shadow
سیاسه‌تی

زانیاری زیاتر

سلێمانی؛ 13 حاڵەتی گومانی توشبوون بە کۆرۆنا لە خوێندنگەیەک تۆمارکرا

2021.02.09 - 14:19
App store icon Play store icon Play store icon
سلێمانی؛ 13 حاڵەتی گومانی توشبوون بە کۆرۆنا لە خوێندنگەیەک تۆمارکرا

ناس کورد- هەڤاڵ فەتاح 

جێگری بەڕێوەبەری پەروەردەی سلێمانی ڕایگەیاند، 13 خوێندکار لە یەکێک لە خوێندنگەکانی سنوریی پەروردەی ڕۆژئاوا گۆمانی توشبوونیان بە ڤایرۆسی کۆرۆنا لێدەکرێت، بۆیە لەئێستادا ڕەوانەی نەخۆشخانە کراون بۆ ئەنجامدانی پشکنین.

کەناڵی ناس کورد لە تێلیگرام جۆین بکە   

 

عومەر ئەمین، جێگری بەڕێوەبەری پەروەردەی سلێمانی (سێشەممە 9ی شوباتی 2021) لەلێدوانێکی تایبەتدا بە "ناس کورد"ی ڕاگەیاند، "گومان دەکرێت 13خوێندکار لە یەکێک لە خوێندنگەکانی سنوریی پەروەردەی سلێمانی هەڵگری ڤایرۆسی کۆرۆنا بن، بۆیە دەست بەجێ ڕەوانەی نەخوشخانە کراون بە مەبەستی ئەنجامدانی پشکنین".

 

وتیشی، "تائێستا دڵنیانەبووینەتەوە لەوەی کە ئەو خوێندکارانە توشی ڤایرۆسەکە بوون ئاخود نا، چونکە بابەتەکە تائێستا لەچوارچێوەی گومانەدایە، بۆیە چاوەڕی پشکنینەکان دەکەین".

 

عومەرئەمین، جەختی لەوەشکردەوە، "هەر خوێندنگایەک پێنج حاڵەتی توشبوون بە کۆرۆنای تێدا تۆماربکرێت، ڕاستەوخۆ ئەو خوێندنگایە دادەخەین".

 

لە ڕۆژی (یەکشەممە 7ی شوباتی 2021) قۆناغە ناکۆتاییەکانی خوێندن جارێکی دیکە دەستیان پرۆسەی خوێندن کردەوە، بەڵام بەشێوازی تەناوب واتا سێ ڕۆژ لەهەفتەیەکدا، ئەوە لەکاتێکدا کە قۆناغی شەشی ئامادەیی لە 16ی مانگی ڕابردووەوە دەستیان بە پڕۆسەی خوێندن کردووەتەوە.