گه‌ڕان

Shadow Shadow
سیاسه‌تی

وردەکاریى

ڕونکردنەوەى ئەمەریکا لەبارەى پاراستنى کێڵگە نەوتییەکانى ڕۆژئاواى کوردستان

2021.02.09 - 09:15
App store icon Play store icon Play store icon
ڕونکردنەوەى ئەمەریکا لەبارەى پاراستنى کێڵگە نەوتییەکانى ڕۆژئاواى کوردستان

ناس کورد-

وەزارەتى بەرگرى ئەمەریکا (پەنتاگۆن) رایگەیاند، ئەو هێزانەى ئەمەریکا کە لە سوریان بەرپرسیارێتى پاراستنى کێڵگە نەوتییەکانى ئەو وڵاتەیان لە ئەستۆ نەماوە و ئەرکى یەکەم و کۆتایى ئەو هێزانە بریتییە لە شەڕى داعش.

 

کەناڵی ناس کورد لە تێلیگرام جۆین بکە   

جۆن کیربى، وتەبێژى وەزارەتى بەرگرى ئەمەریکا (9ى شوباتى 2021) لە لێدوانێکى ڕۆژنامەوانیدا کە "ناس کورد" بەدواداچوونى بۆ کردووە لەوەڵامى پرسیارێک لەبارەى ئەرکى هێزە ئەمەریکییەکان لە سوریا رایگەیاند " ئەرکى سەربازە ئەمەریکییەکان کە لە ڕۆژئاواى کوردستانن و لەئێستادا ژمارەیان نزیکەى 900 سەربازە شەڕکردنە لەگەڵ داعش و هۆکارى مانەوەیان لەو ناوچەیە بۆ بەجێهێنانى ئەو ئەرکەیە".

 

لێدوانى وتەبێژەکەى وەزارەتى بەرگرى ئەمەریکا لە کاتێکدایە کە زۆرێک لە کێڵگە نەوتییەکانى ڕۆژئاواى کوردستان و چەند ناوچەیەکى ترى سوریا لەدەرەوەى دەسەڵاتى ڕژێمى سوریادایە.

 

ئەو کێڵگە نەوتییانەش زۆرتر دەکەونە ئەو ناوچانەى کە لەژێر دەسەڵاتى هێزەکانى سوریاى دیموکرات و بەڕێوەبەرایەتى خۆسەرى کوردیى ئەو وڵاتەیە.