گه‌ڕان

Shadow Shadow
سیاسه‌تی

کەیسی بەیۆ

’’بەڵگەکانی ناو مۆبایلەکەی’’.. چى سزایەک چاوەڕوانى بەیان غەریب دەکات؟

2021.02.08 - 18:55
App store icon Play store icon Play store icon
’’بەڵگەکانی ناو مۆبایلەکەی’’.. چى سزایەک چاوەڕوانى بەیان غەریب دەکات؟

ناس کورد-
بەڕێوەبەری بەڕێوەبەرایەتی بەرەنگاربوونەوەى توندوتیژی ژنان لە هەولێر ڕایگەیاند، مۆبایلەکەی بەیان غەریب بۆ لێکۆڵینەوە ڕەوانەی بەڵگەی تاوان کراوە و هێشتا هیچ پارێزەرێکشى بۆ دانەنراوە.

کەناڵی ناس کورد لە تێلیگرام جۆین بکە   

 

بەیان غەریب ناسراو بە "بەیۆ" ئەو ژنەى بە بڵاوکردنەوەى وێنە و ڤیدیۆکانى لە تۆڕە کۆمەڵایەتییەکان زیاتر ناسرا، رۆژى پێنج شەممە (5ى شوباتى 2021) لەلایەن پۆلیسەوە لەهەولێر دەستگیرکرا.

 

کەناڵی ناس کورد لە تێلیگرام جۆین بکە

 

فەرمان محەمەد، بەڕێوەبەری بەڕێوەبەرایەتی بەرەنگاربوونەوەى توندوتیژی ژنان لە هەولێر لە لێدوانێکی تایبەت بۆ "ناس کورد" (8ی شوباتی 2021) وتی، "لێکۆڵینەوە لەسەر کەیسەکەی بەیان غەریب بەردەوامە، بەڵگەکان ڕەوانەی دادوەر کراوە و چاوەروانی بڕیاری دادگا دەکەین".

 

لەبارەی ئەوەی دەوترێت لە ناو مۆبایلەکەی وێنە و ڤیدیۆی ژمارەیەک ئافرەت بە "جلوبەرگی نەشیاو" هەبووە، فەرمان محەمەد ڕایگەیاند، مۆبایلەکەی بۆ لێکۆڵینەوە ڕەوانەی بەڵگە و تاوانی هەرێم کراوە و تائێستاش هیچ وەڵامێک نییە لەبارەی لێکۆڵینەوەکان لە مۆبایلەکەی.

 

زیاتر بخوێنەوە: توندوتیژى هەولێر زانیارى لەسەر کەیسەکەى بەیۆ ئاشکرادەکات

 

وتیشى، "ئەوەی دەوترێت لە بارەی بوونی وێنەو ڤیدیۆی نەشیاو پشتڕاست نەکراوەتەوە تاوەکو ئێستا، نازانین چی لەناودایە".

 

بەیان غەریب بەپێی ماددەى 240 ى ياساى سزادانى عێراقى تایبەت بەسەرپێچى دەستگیرکراوە، کە سزاى شەش مانگ یان 100 هەزار دینار غەرامەى دیاریکردووە بۆ هەر کەسێک سەرپێچى بڕیارەکانى حکومەت و ئەنجومەنى شارەوانى و دام و دەزگا فەرمییەکان بکات.

 

سەبارەت بە ڤیدیۆیەکی بەیان کە لە پێش دەستگیرکردنی بڵاویکردەوەو تێیدا قاچی بە کچێکی خۆی ماچ دەکات و باس لەوەکرا نیگەرانی ژمارەیەک ڕێکخراوی مناڵانی لێکەوتووەتەوەو سکاڵایان دژی تۆمار کردووە، فەرمان محەمەد باسی لەوەکرد، هیچ ڕێکخراوێکی مناڵان تاوەکو ئێستا سکاڵای تۆمار نەکردووە.

 

باسى لەوەشکرد، تا ئێستا بەیان غەریب هیچ پارێزەرێکی نییە.

 

بەیان غەریب کە ماوەى پێنج رۆژە لە زینداندایە، ژمارەیەک سکاڵاى لەسەر تۆمارکراوە، یەکێکیان سکاڵای هاووڵاتییەکە کە بەیانى تۆمەتبارکردووە بە "هەڵخەڵەتاندنى" خێزانەکەی.

 

کەناڵی ناس کورد لە تێلیگرام جۆین بکە