گه‌ڕان

Shadow Shadow
سیاسه‌تی

وردەکاری

ئۆتۆمبێلی ’’بەتتە’’ شەڕی مالیكی و سەدر هەڵدەگیرسێنێتەوە

2021.02.07 - 15:22
App store icon Play store icon Play store icon
ئۆتۆمبێلی ’’بەتتە’’ شەڕی مالیكی و سەدر هەڵدەگیرسێنێتەوە

ناس کورد-

ماوەیەكە بەناوی ئۆتۆمبێلی "بەتتەوە" كێبركێ و بەریەككەوتن و كۆنەقینی نێوان نوری مالیكی و ڕەوتی سەدر نوێ بووەتەوە دوای ئەوەی سیاسییەكی سوننە بە لاقرتێوە باسی لەوەكرد سوننەكان نایانەوێت شۆفێرێكی "بەتتە - بطة" ببێتە سەرۆك وەزیران.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

 

بەپێی بەدواداچوونی ناس كورد، بەهۆی ئەوەی بەتتە لە ڕۆژگاری شەڕی تایفیدا (2006 - 2008) تۆمەتباری یەكەم بووە بە تەسفیە و كوشتن، دووبارە باسكردنەوەی گرژی و ناكۆكی لەنێوان سوننە و شیعەكاندا دروست دەكات و بەمدواییانەش نوری مالیكی چووە سەر هێڵی ئەو ناكۆكیانە لە ڕێگەی لێدوانێكەوە كە دەڵێت ئەگەر بگەڕێتەوە ڕێگە لە شۆفێری بەتتە دەگرێت.


ڕۆژنامەی شەرقولئەوسەتی چاپی لەندەن لە ڕاپۆرتێكدا (7 شوباتی 2021) باس لەوە دەكات سەرەتای ئەم مشتومڕە لەوەوە هات چەند ڕۆژێك بەر لەئێستا مشعان جبوری پەرلەمانتاری پێشوو سیاسەتوانی سوننە ڕایگەیاند، سوننەكان ناخوازن "شۆفێرێكی بەتتە" ببێتە سەرۆك وەزیران.


بەدوای ئەوەشدا نوری مالیكی سەرۆك وەزیرانی پێشووتر ڕایگەیاند ئەگەر دووبارە بكرێتەوە بە سەرۆك وەزیران لێپێچینەوە لە "شۆفێری بەتتە" دەكات، ئەم لێدوانەش ڕق و توڕەیی سەدرییەكانی جوڵاندووە و ساڵح محەمەد عێراقی وەزیری دەستەڕاستی سەدر، لەوەڵامدا رایگەیاندووە "شۆفێری بەتتە تاكە چارەسەرە بۆ گەندەڵكاران و ئەوانەی سێ یەكی خاكی عێراقیان فرۆشتووە"، ئەمەش هێمایە بۆ ئەو تۆمەتانەی ئاڕاستەی مالیكی دەكرێن لەساڵانی ویلایەتی دووەمیدا كە داعش هاتە ناو عێراق.


پەیوەندی نوری مالیكی و ڕەوتی سەدر گرژی و بەریەككەوتنی زۆری تێدایە و لە ساڵانی 2008 ژمارەیەكی زۆر لە چەكدارانی سوپای مەهدی سەر بە سەدر لە هەڵمەتەكانی مالیكیدا كوژران و بریندار بوون و دەستگیركران.

me_ga.php?id=2477