گه‌ڕان

Shadow Shadow
سیاسه‌تی

فەرماندەی دژەتیرۆری کوردستان سەردانی فەرماندەی هەسەدە دەکات

2019.03.07 - 16:31
فەرماندەی دژەتیرۆری کوردستان سەردانی فەرماندەی هەسەدە دەکات

 

 

ناس کورد-

 

شاندێکی هێزەکانی دژەتیرۆری هەرێمی کوردستان سەردانی ڕۆژئاوای کوردستانیان کرد و لەگەڵ فەرماندەی هێزەکانی سوریای دیموکرات کۆبوونەوە.

بەپێی هەواڵێکی ماڵپەڕی فەرمی دەزگای ڕاگەیاندنی هەسەدە، بۆڵات شێخ جەنگی فەرماندەی هێزەکانی دژە تیرۆری هەرێمی کوردستانی عێراق لەگەڵ مەزڵوم عەبدی فەرماندەی هێزەکانی سوریای دیموکرات کۆبووەوەتەوە.

بەپێی ماڵپەڕەکە، هەردوو فەرماندەکە تاوتوێی ڕووبەرووبوونەوەی تیرۆریان کردووە پاش تێکشکاندنی تەواوەتی داعش.

هاوکات فەرماندەی هەسەدە سوپاسی هێزەکانی دژە تیرۆریان کردووە بۆ پشتگیرییان لە گەلی ڕۆژاڤا و هێزەکانی سوریای دیموکرات.

شاندەکەی دژە تیرۆری هەرێمی کوردستان پێشتر سەردانی شاری کۆبانێیان کردبوو و لەگەڵ فەرماندەکانی یەکینەکانی پاراستنی گەل کۆبوونەوە.

هێزەکانی ڕۆژاڤا پەیوەندییەکی باشیان لەگەڵ ئەو هێزانەی هەرێمی کوردستان هەیە کە نزیکن لە یەکێتی نیشتمانی کوردستانەوە، بەپێچەوانەوە پەیوەندییەکانیان بەهەمان ئەندازە لەگەڵ هێزەکانی نزیک لە پارتی دیموکراتی کوردستانەوە باش نییە.

 

article image