گه‌ڕان

Shadow Shadow
سیاسه‌تی

زانیاری زیاتر

مشتومڕی لێبڕینی موچە یەکلایی کرایەوە

2021.02.06 - 20:32
App store icon Play store icon Play store icon
مشتومڕی لێبڕینی موچە یەکلایی کرایەوە

ناس کورد- 

محەمەد حەلبوسى، سەرۆکى پەرلەمانى عێراق دەڵێت، لیژنەى دارایى بڕیاریداوە کە موچەى فەرمانبەران نەبڕدرێت، هەروەها بابەتى سەپاندنى باجى داهاتیشیان چارەسەر کردووە.

کەناڵی ناس کورد لە تێلیگرام جۆین بکە   

 

لەدوای کۆبوونەوەی لەگەڵ لیژنەی دارایی، محەمەد حەلبوسى (شەممە 6ى شوباتى 2021) لە ڕاگەیەنراوێکدا بڵاویکردوەتەوە، لیژنەى دارایى بڕیاریداوە کە موچەى فەرمانبەران نەبڕدرێت و هیچ لێبڕینێک تێنەپەڕنێت.

 

ڕونیشیکردووەتەوە، ئەوەش لە چوارچێوەى تەواوکردنى بڕیارى پێشووى پەرلەمانە بۆ پاراستنى موچەى فەرمانبەران و دەستنەبردن بۆى.

 

لە ڕاگەیەنراوەکەدا هاتووە، هەرچى سەبارەت بە پلە تایبەت و باڵاکانە پلەبەندى بڕینى موچە دەیانگریتەوە و لەناو لیژنەکەدا تێپەڕێنراوە، بەڵام پاشماوەى فەرمانبەران هیچ لێبڕینێک نایانگرێتەوە.

 

سەرۆکى پەرلەمانى عێراق جەختیلەوەشکردووەتەوە، هەرچى تایبەتە بە باجى سەر موچە، لەلایەن لیژنەى داراییەوە چارەسەر کراوە و فەرمانبەر وەک خۆى و پێش تێپەڕاندنى پرۆژە یاساى بودجەى 2021 موچە وەردەگرێت.