گه‌ڕان

Shadow Shadow
سیاسه‌تی

تەندروستی هۆشداری لە شەپۆلێکی تری کۆرۆنا دەدات

2021.02.06 - 13:27
App store icon Play store icon Play store icon
تەندروستی هۆشداری لە شەپۆلێکی تری کۆرۆنا دەدات

ناس کورد-

وەزارەتی تەندروستیی عێراق ئاماری نوێی کۆرۆنای ڕاگەیاند کە حاڵەتەکانی توشبوون جارێکی تر بەرزبوونەتەوە و هۆشداری لە شەپۆلێکی تری کۆرۆنا دەدات.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

بەپێی ئاماری وەزارەتەکە بۆ ئەمڕۆ شەممە (6ی شوباتی 2021)، لە 24 کاتژمێری ڕابردوودا هەزار و 660 حاڵەتی توشبوون تۆمار کراون، هەروەها هەزار و 20 کەس نەخۆشییەکەیان تێپەڕاندووە و هەشت توشبووش بەهۆی ڤایرۆسەکەوە گیانیانلەدەستداوە.

 

وەزارەتەکە لە ڕاگەیەنراوێکدا هۆشداری دەدات لەوەى "ڕووبەڕووی شەپۆلێکی تری کۆرۆنا" دەبنەوە ئەگەر "هاوڵاتیان هەست بە بەرپرسیارێتی نەکەن و پابەندی ڕێنمایی و ڕێکارەکانی خۆپارێزی نەبن."

 

چەند ڕۆژێکە ئامارەکانی توشبوون بە کۆرۆنا لە عێراق لەزیادبووندان و وەزارەتی تەندروستیش بە بەردەوامی هۆشداری دەدات.

 

وەزارەتی تەندروستیی عێراق ڕایگەیاند، لە ئەگەری بەردەوامی بەرزبوونەوەى ژمارەی توشبووانی ڤایرۆسی کۆرۆنا، ناچار دەبن ڕێکار و بڕیاری توندتر بگرنەبەر بۆ ڕێگری لە دەرچوونی دۆخەکە لە کۆنتڕۆڵ.  

  

وەزارەتەکە لە ڕاگەیەنراوێکدا کە "ناس کورد" بەدواداچوونی بۆ کردووە (5ى شوباتى 2021) دەڵێت، لە سەرەتاى بڵاوبونەوەى پەتاى كۆرۆنا چەندين ڕێنمايى و ڕاستي زانستییان بڵاوكردوەتەوە و چەندين جار هۆشداريانداوە لەئەگەرى بەرزبوونەوەى ژمارەى توشبووان، ئەوەش بەهۆى گوێنەدان بە ڕێوشوێنەكانى خۆپاراستن و پابەندنەبونى هاوڵاتيان و پڕوپاگەندە و بانگەوازكردن بۆ كردنەوەى شوێنە گشتيەكان.  

  

دەشڵێت، تەنانەت زۆرينەى هاووڵاتيان بە ئەنقەست دەمامک نابەستن و گردبوونەوە و پرسە و ئاهەنگ ئەنجام دەدەن، هەروەها دامەزراوە حكوميەكانيش لەناو خۆياندا پابەندنين بە ڕێوشوێنەكانەوە.  

  

تەندروستیی عێراق پێشى وايە، لە هۆكارە كارەساتبارەكانى لاوازى پابەندنەبوون بە ڕێوشوێنەكانى خۆپارێزى، بوونى چەند لايەنێكن كە گومانيان لە بوونى ڤايرۆسەكە هەيە لە بنەڕەشتدا و لەلايەن لايەنە ياساييەكانيشەوە لێپرسينەوەيان لێ ناكرێت.  

me_ga.php?id=12679