گه‌ڕان

Shadow Shadow
سیاسه‌تی

چارەسەری سیاسی و هونەری پێویستە

لیژنەی دارایی نوێترین زانیاری لەبارەی پشكی هەرێم ڕادەگەیەنێت

2021.02.05 - 15:51
App store icon Play store icon Play store icon
لیژنەی دارایی نوێترین زانیاری لەبارەی پشكی هەرێم ڕادەگەیەنێت

ناس كورد_

جێگری سەرۆكی لیژنەی دارایی پەرلەمان، موسەننا سامەڕایی رایگەیاند پرسی پشكی هەرێم لە بودجە هەستیارە و تێكچڕژانی گەورەی لەنێوان هەردوو حكومەتی فیدراڵ و هەرێم تێدایە و بەهیواین بگەینە چارەسەرێكی هونەری و سیاسی بۆ تەواوكردنی پەسەندكردنی بودجە. 

کەناڵی ناس کورد لە تێلیگرام جۆین بکە   

 

موسەننا سامەڕایی، جێگری سەرۆكی لیژنەی دارایی پەرلەمانی عێراق، لە راگەیەنراوێكدا كە "ناس كورد" بەدواداچوونی بۆ كردووە (هەینی 5 شوباتی 2021) دەڵێت موچەی هەرێم هێڵی سوورە و دەبێت حكومەت تەواوی بەرپرسیارێتی هەڵگرێت.

 

کەناڵی ناس کورد لە تێلیگرام جۆین بکە  

 

سامەڕایی ئەوەشی ئاشكراكردووە كە قەرزەكانی هەرێم بۆ فرۆشتنی نەوت بە 6.1 ترلیۆن دینار مەزەندە دەكرێت.

 

هاوکات سەرۆكی لیژنەی دارایی لەپەرلەمانی عێراق ژمارەیەك لەو بڕگە و بابەتانەی ڕاگەیاند كە لە گفتوگۆكانی لیژنەكەدا تا ئێستا دەنگیان لەسەر دراوە لەوانەش مسۆگەركردنی رادەستكردنی نەوتی بەرهەمهێنراوی كوردستان بە حكومەتی فیدراڵی .  

  

هەیسەم جبوری لەراگەیەنراوێکدا کە پەیجی فەرمی خۆی بڵاویكردووەتەوە و  "ناس كورد" بەدواداچوونی بۆ كردووە (5 شوباتی 2021) رایگەیاندووە گرنگترین بڕگە پەسەندكراوەكانی بودجەی 2021 عێراق ئەمانەن:  

  

ـ هەڵوەشاندنەوەی لێبڕینی موچەی فەرمانبەران و خانەنشینان  

ـ كەمكردنەوەی بودجەی سەرۆكایەتییەكانی عێراق بە رێژەی 20%  

ـ كەمكردنەوەی كورتهێنان بە 47% بۆ 19% واتە لە 47 ترلیۆن دینارەوە بۆ 25 ترلیۆن دینار  

ـ كەمكردنەوەی قەرز 51 ترلیۆن دینار  

ـ مسۆگەركردنی پارەی وانەبێژان و گرێبەستەكان  

ـ چالاككردنی سیستمی كۆكردنەوەی باج و كرێی خزمەتگوزارییەكان  

ـ زیاكردنی پارەی پترۆدۆلار بۆ پارێزگاكان لە 500 ملیارەوە بۆ ترلێونێك دینار  

ـ زیادكردنی بودجەی سوپای عێراق و دەزگا هەواڵگرییەكان  

ـ زیادكردنی بودجەی تۆڕی كۆمەڵایەتی بەبڕی 1.5 ترلیۆن دینار   

ـ زیادكردنی بودجەی وەزارەتی پەروەردە بۆ چاپكردنی كتێب  

ـ تەرخانكردنی بودجەیەك بۆ قەرەبوونی زیانلێكەوتووانی گۆڕینی بەهای دۆلار لە كەرتی تایبەت   

ـ تەرخانكردنی پارەی تەواوی جوتیاران و تەرخانكردنی 200 ملیار بۆ هاوردەی پەین و دەرمان و تۆو  بۆیان   

ـ پاڵپشتیكردنی سیستمی ناناوەندێتنی (لامەركەزی) لە پارێزگاكان  

ـ ناچاركردنی وەزارەتەكان بەكڕینی بەرهەمی ناوخۆیی  

ـ پاڵپشتیكردنی هێزەكانی حەشدی شەعبی  

ـ هەڵوەشاندنەوەی بڕگەكانی فرۆشتنی موڵكی دەوڵەت  

ـ تەرخانكردنی پارە بۆ فڕۆكەخانەی نەینەوا و بەندەری فاو و فڕۆكەخانەی زیقار  

ـ زیادكردنی 339 ملیار بۆ كڕینی دەرمان  

ـ مسۆگەركردنی رادەستكردنی نەوتی خاوی كوردستان بە حكومەتی ناوەندی   

- زیادكردنی پارەی زیانلێكەوتوانی تیرۆر و زیندانیانی سیاسی و شەهیدان  

ـ تەرخانكردنی 199 ملیۆن دۆلار بۆ دروستكردنی هەزار قوتابخانە  

ـ هەڵوەشاندنەوەی مۆلەتەكانی كۆمپانیاكانی مۆبایل پاش بژاردنی قەرزەكان   

ـ هەڵوەشاندنەوەی پارەی كۆنگرە و نەسریەی میوانداری سەرجەم وەزارەتەكان  

ـ ناچاركردنی حكومەت بە ئۆتۆماتیكی كردنی گومرگ و باج و پەیوەستكردنی بەبانكی ناوەندی  

ـ ناچاركردنی ئەنجومەنی وەزیران بە جێبەجێكردنی سیستمی بایۆمەتری فەرمانبەران بۆ دەرخستنی بندیوار  

ـ پێداچوونەوە بە گرێبەستە نەوتییەكان و گرێبەستەكانی كارەبا  

ـ هەڵوەشاندنەوەی بەخشینە گومرگییەكان بۆ سەرجەم وڵاتان