گه‌ڕان

Shadow Shadow
سیاسه‌تی

شەپۆلێكیتر بەفر و سەرما

پێشبنییەكانی شوبات: چەند ڕۆژێك وەك بەهار پاشان بەفر لە سەنتەری شارەكان

2021.02.05 - 14:48
App store icon Play store icon Play store icon
پێشبنییەكانی شوبات: چەند ڕۆژێك وەك بەهار پاشان بەفر لە سەنتەری شارەكان

ناس كورد_

سەرچاوە كەشناسییەكان پێشبینی دەكەن لەرۆژی یەکشەممەوە (7 شوبات) تا نزیكەی ناوەڕاستی مانگ ( 13 شوبات) كەش و هەوای هەرێمی كوردستان بە سەقامگیری بمێنێتەوە، لەوە بەدواش ناوچەكە لەبەردەم دابەزینی پلەی گەرما و بەفر بارین و كەشی ساردی زستانەدایە لەسەنتەری شارەكان.

کەناڵی ناس کورد لە تێلیگرام جۆین بکە   

 

ئاراس جەبار لە سەكۆی ئەلەكترۆنی "كەش و هەوای هەرێمی كوردستان" لە راگەیەنراوێكدا ئەمڕۆ ( 5 شوباتی 2021) كە "ناس كورد" بەدواداچوونی بۆ كردووە، باس لەوە دەكات لەپاش كۆتاییهاتنی ئەم شەپۆلە بارانەی ئێستا بەرزبوونەوەی بەرچاوی پلەکانی گەرما ڕوودەدات و کەشێکی زیاتر نیمچە بەھاری زاڵ دەبێت بەسەر هەرێمی كوردستان، بەڵام لە رۆژانی ١٣ی مانگەوە شەپۆلەکانی بارانبارین و بەفر ناوچەکانمان دەگرێتەوە.

 

بەپێی سەرچاوە كەشناسییەكان، شەپۆلی سەرما و بارانی سەرەتاكانی هەفتەی داهاتوو بە کاریگەری زیاتری سەرچاوەی نزمەپاڵەپەستۆکانی دەریای سپی ناوەراست ئەبێت بۆیە دووبارە کەشی سارد و زستانە دەگێڕێتەوە لەگەڵ خۆیدا و بەپێی نەخشە و مۆدێلەکانی کەش و ھەوا نزمەپاڵەپەستۆیەکی جەمسەری سارد لەپاش ١٧ ی شوبات باڵ دەكێشێت بەسەر هەرێمی كوردستان لەگەڵ شەپۆلێکی بەفر باریندا.

 

"كەش و هەوای هەرێمی كوردستان" پێشبینی دەكات لەو شەپۆلەدا، بەفر لەسەنتەری بەشێک لە شارەکاندا ببارێتەوە و لەبەر ئەگەری گۆڕانكاریی لەو شەپۆلەش هێشتا زووە وردەكاریی زیاتری لەبارەیەوە بڵاو بكرێتەوە.

 

لەبارەی ئەم شەپۆلەی ئێستاوە بەپێی پێشبینییەكان، باران بارین بەردەوام دەبێت تا بەرەبەیانی سبەینێ شەممە (6 شوبات). چەقی زۆرترین دابارین لەناوچەکانی سنوری پارێزگای سلێمانی دەبێت دواتر بەرێژەیەکی مامناوەند بۆ زۆریش لەناوچەکانی کەرکوک  و ھەڵەبجە، بەرێژەی کەم بۆ مامناوەند لە ناوچەکانی راپەرین و گەرمیان و ھەولێر، بەڵام لەدهۆك ئەم ئێوارەیە و شەو شەپۆلەكە كۆتایی دێت.