گه‌ڕان

Shadow Shadow
سیاسه‌تی

پەیامێک لەشێخ جەعفەر مستەفاوە: هێشتا درەنگ نییە

2021.02.05 - 09:32
App store icon Play store icon Play store icon
پەیامێک لەشێخ جەعفەر مستەفاوە: هێشتا درەنگ نییە

ناس کورد-

 

شێخ جەعفەر مستەفا جێگرى سەرۆکى هەرێم رایگەیاند، هێشتا درەنگ نییە بۆ چارەسەرى کیشەکان و مافی خەڵکە کە داوای مافی ڕەوای خۆیان بکەن و پێویستە گوێیان لێبگیرێت.

کەناڵی ناس کورد لە تێلیگرام جۆین بکە   

 

شێخ جەعفەر مستەفا ئەمڕۆ هەینى (5ى شوباتى 2021) لە پەیامێکدا لەسەر لاپەڕەى فەرمى خۆى لە فەیسبوک کە "ناس کورد" بینیویەتى نوسیویەتى "لە دوای ڕاپەڕینەوە بە ھۆی پەرتەوازەیی و نەبوونی یەکڕیزی و ھەڵگیرسانی شەڕی نەگریسی ناوەخۆ بەداخەوە زۆرێک لە خەون و ئاواتەکانمان نەھاتنە دی".

 

دەشڵێت "ئەگەر ئێمە یەکگرتوویی و یەکڕیزی و یەک گووتاریمان برەو پێ بدابایە، ھەموومان لە سەرەتای لە دایک بوونی حکومەت و پەرلەمانەوە پاڵپشت و ھاوکاری ئەو دامەزراوانە بووباین، دڵنیام ژیانێکی شایستەتر لە ئێستا بۆ خەڵک دابین دەکرا.

 

 "ھەرچەندە ناکرێت گشت دەستکەوتەکانی حکوومەت بەلاوە بنێین و لە بەر چاو نەگیرێت، بەڵام مافی خەڵکیشە کە داوای مافی ڕەوای خۆیان بکەن، بۆیە پێویستە گوێیان لێ بگیرێت و ژیانێکی زیاتر لەوەی کە هەیە بۆیان دابین بکرێت" شێخ جەعفەر واینوسیوە.

 

جەختیشیکردووەتەوە، ئێستاش کات درەنگ نییە و دەکرێت بە ڕاوێژ و گفتوگۆی زیاتر چارەسەری کێشەکان بکرێت.