گه‌ڕان

Shadow Shadow
سیاسه‌تی

پشتیوانى ئەمریکا

ماکرۆن: پێویستە ئیسرائیل و سعودیە بەشداربن دەستپێکردنەوەى دانوستان لەگەڵ ئێران

2021.02.05 - 08:35
App store icon Play store icon Play store icon
ماکرۆن: پێویستە ئیسرائیل و سعودیە بەشداربن دەستپێکردنەوەى دانوستان لەگەڵ ئێران

ناس کورد-

 

سەرۆکى فەرەنسا رایگەیاند، پشتیوانى گفتوگۆى نوێ دەکەن لەگەڵ ئێران لەبارەى ڕێککەوتنى ئەتۆمى و پێویستە رێگەیەک بدۆزرێتەوە بۆ بەشدارى سعودیە و ئیسرائیل تێیدا.

کەناڵی ناس کورد لە تێلیگرام جۆین بکە   

 

بەپێی ئاژانسى "رۆیتەرز" کە "ناس کورد" بەدواداچوونى بۆ کردووە،  ئیمانوێل ماکرۆن ئێوارەى پێنج شەممە لە وتەیەکدا باسى لەوەکردووە، "ئێمە پێویستمان بە دانوستانى نوێ هەیە لەگەڵ ئێران، پشتیوانى هەر دەستپێشخەرییەکى ئەمریکا دەکەین لەو بارەیەوە".

 

ئاماژەى بەوەشکردووە، ئەوان هەوڵدەدەن رۆڵى نێوەندگیریی بگێڕن، هەریەکە لە سعودیە و ئیسرائیلیش پێویستە بەشداربن تێیدا.

  

کۆتایی مانگى رابردوو وتەبێژى کۆشکى سپی ئەمەریکا ڕایگەیاند، هیچ کاتێکی دیاریکراو بۆ دەستپێکردنى دانوستان لەگەڵ ئێراندا نیە و سەرەتاش دەبێت ئێران بەندەکانى ڕێککەوتنى ئەتۆمى جێبەجێ بکات.  

  

لە لێدوانێکدا کە ناس کورد بەدواداچوونى بۆ کردووە، جین ساکى، وتەبێژى کۆشکى سپیى ئەمەریکا (29ى کانوونى دووەمى 2021) ڕایگەیاندووە، جۆ بایدن  لەو باوەڕەدایە ئەگەر ئێران پابەند بێت بەڕێککەوتنى ئەتۆمییەوە ئەوا دەرفەتێکە بۆ ئەوەى بتوانرێت هەڵوێستێکى لەسەر بنوێنرێت.  

  

ئاماژەى بۆ ئەوەشکردووە، هەر هەنگاوێک بە ئاڕاستەی ڕێککەوتنى ئەتۆمى ئێران ئەوا بەهەماهەنگى لەگەڵ هاوپەیمانەکانیاندا دەبێت.  

  

وتەبێژەکەى کۆشکى سپى دەشڵێت، پێویستە بەربەستەکانى بەردەم چەکى ئەتۆمیى ئێرانی پتەوتر بکرێن و هەروەها چارەسەرێک بۆ موشەکى بالیستى و دەستوەردانى تاران لەناوچەکە بدۆزرێتەوە.  

  

لەوەڵامى ئەگەرى دیدارى بایدن و ڕۆحانیدا، ساکى ووتویەتى، " ئەو کارە دەبێت قسەى لەبارەوە بکرێت".