گه‌ڕان

Shadow Shadow
سیاسه‌تی

وردەکاریى

ڕۆژنامەیەکى تورکى: ئیسپانیا کڕینى لیمۆى تورکى بەهۆى ژەهراویبونیەوە ڕەتکردۆتەوە 

2021.02.03 - 23:00
App store icon Play store icon Play store icon
ڕۆژنامەیەکى تورکى: ئیسپانیا کڕینى لیمۆى تورکى بەهۆى ژەهراویبونیەوە ڕەتکردۆتەوە 

ناس کورد-

ڕۆژنامەیەکی تورکی بڵاویکردەوە، ئیسپانیا ڕێگریی لە هاوردەکردنی بەرهەمی لیمۆى تورکیا دەکات بۆ ناو خاکەکەی، ئەوەش دوای ئەوە هاتووە کەسەندیکای مزرەمەنییەکانی ئەو وڵاتە ڕایگەیاندوە "بەرهەمی لیمۆی ئەو وڵاتە ماددەی ژەهراوی تێدایە".

 

کەناڵی ناس کورد لە تێلیگرام جۆین بکە   

بەگوێرەی هەواڵێکی ڕۆژنامەی"زەمان"ی تورکی (3ی شوباتی 2021) کە" ناس کورد" بەدواداچوونی بۆ کردووە، ئاماژە بەوەکراوە "سەندیکای پیشەسازی لیمۆ و بابەتە مزرەمەنییەکانی ئیسپانیا کەناسراوە بە(Ailimpo) ئاگاداری دەستەی سەلامەتی خۆراک و خواردنى وڵاتەکەی (RASSF)کردووە، کە ڕێژەی ئەو دەرمانە ژەهراویانەی کەلە نمونەیەکی لیمۆ و بابەتە مزرەمەنییەکان دۆزراوەتەوە، کە لە مانگی تشرینی دووەمی رابردووەوە لە تورکیاوە هاوردەکراوە، زۆر زیاتربووە لەوەی کە ڕێگەى پێدراوە".

 

ئاماژە بەوە شکراوە "لەئێستادا تورکیا کە شەشەمین گەورەترین بەرهەمهێنەری لیمۆیە لەجیهاندا، لەمانگی تشرینی دووەمی ڕابردووەوە هەوڵی زۆری داوە بۆ ئەوەی لیمۆ هەناردەی بازاڕەکانی ئەوروپا بکات، بەڵام  پابەندنەبوون بە ڕێنماییەکانی ئەوروپا لەو بوارەدا ڕێگریی لەگەیشتنی ئەو بەرهەمەکردووە  بۆ ناو خاکی ئەو وڵاتانە".

 

بەگوێرەی ڕۆژنامە تورکییەکە "تەنها یەکێتی ئەوروپا ئەو ڕێنماییانە جێبەجێ ناکات، بەڵکو لە زۆربەی وڵاتانی جیهاندا پەیڕەو دەکرێن، ڕێژەی ئەو دەرمانانەی کە بۆ قەڵاچۆکردنی  مێرووی میوە بەکاردەهێنرێت دیاریکراوە، بەڵام تورکیا پابەند نییە".

 

بەگوێرەی ڕاپۆرتەکان، لەسێ مانگی ڕابردوودا تورکیا بەرزترین ڕێژەی دەرمانی دژە مێرووی لە لیمۆ و بەرهەمە مزرەمەنییەکاندا بەکارهێناوە ".

 

ئەوەشخراوەتە ڕوو، تورکیا بەنیازە ئەو بەرهەمە لیمۆیەی کە لە وڵاتانی یەکێتی ئەوروپا گەڕێندراوەتەوە، بفرۆشێت بە وڵاتانی دەرەوەی یەکێتی ئەوروپا، وەک ڕوسیا، عێراق و سعودیە".

 

 لە ئێستادا ئیسپانیا بەپلەی دووەم دێت لەدوای مەکسیکەوە لە بازرگانی لیمۆ، ساڵانە نزیکەی 689 هەزار تۆن لیمۆ هەناردەی دەرەوە دەکات، تورکیاش بەپلەی سێهەم دێت  470 هەزار تۆن هەناردە دەکات".