گه‌ڕان

Shadow Shadow
سیاسه‌تی

هێرشێکی نوێ لە کەجەکەوە

کەجەکە: بەهۆی هاوکاری پاراستن و میت سەدان هەڤاڵمان کوژراوە

2021.02.02 - 21:05
App store icon Play store icon Play store icon
کەجەکە: بەهۆی هاوکاری پاراستن و میت سەدان هەڤاڵمان کوژراوە

ناس کرود-

ئەندامێكی کۆنسەی بەڕێوەبەری کۆما جڤاکێن کوردستان (کەجەکە) ڕایگەیاند، ”میتی تورکی بە هاوکاریی پاراستنی پارتی پەیوەندیی هەواڵگریی دروست دەکات ‌و لە ئەنجامی پەیوەندییەکانی پاراستن لەگەڵ میت، سەدان هەڤاڵمان کوژران.”

کەناڵی ناس کورد لە تێلیگرام جۆین بکە   

 

مستەفا قەرەسوو، ئەندامی کۆنسەی بەڕێوەبەری كەجەكە لە چاوپێکەوتنێکیدا لەگەڵ میدیای حزبەکەى "ناس کورد" بەدواداچوونی بۆ کردووە (2ی شوباتی 2021) دەڵێت، "لە ئەنجامی پەیوەندییەکانی هەواڵگریی پارتی (پاراستن) لەگەڵ میتی تورک، سەدان گەریلای پەکەکە شەهید بوون و پاراستن هاوکاریی میت دەکات بۆ ئەوەی پەیوەندیی هەواڵگریی لە باشوری كوردستان بەتایبەت لە بادینان دروست بکات”.

 

کەناڵی ناس کورد لە تێلیگرام جۆین بکە

 

ئەندامەكەی كۆنسەی بەڕێوەبەری كەجەكە ئاماژەی بە سەردانە سەربازی و هەواڵگرییەکانی تورکیا بۆ عێراق و هەرێمی کوردستان کرد و ڕایگەیاند، "پارتی دەیەوێت دەوڵەتی تورک فشار بخاتە سەر عێراق تا فشار لەسەر یەکێتی دروست ببێت لەبارەی پرسی پەکەکەوە."

 

قەرەسوو وتیشی، “ئەگەر پەکەکە تێکشکێنرا و لەناوبرا، ئایا پارتی سەردەکەوێ؟ ئەگەر پارتی وا بیردەکاتەوە، ئەوا هیچ کاتێک دوژمنی نەناسیوە، ئەگەر دوژمنی کوردیش نەناسێ‌، بە هیچ شێوەیەک ناتوانێت نوێنەرایەتیی کورد بکات”.

 

هۆشداریشی دا لەبارەی هەوڵەکانی هێرشکردنە سەر "ناوچەکانی بەرگریی میدیا بە هەماهەنگی لەگەڵ پارتی" ‌و وتی، “ئەگەر دەوڵەتی تورک بە پشتیوانیی پارتی هێرش دەکاتە سەر ناوچەکانی بەرگریی میدیا، بێگومان ئێمە بەرپەرچیان دەدەینەوە ‌و کاتێک ئێمە دەڵێین، کە دەبێت پەدەكە واز لەو هەڵوێستەی بهێنێت، خەمی ئێمە تەنها تێکۆشانی ئازادیی گەلی کورد و داهاتووی کوردە.”

 

پێشتر جەمیل بایک، هاوسەرکی کۆما جڤاکێن کوردستان (کەجەکە) داوای لە پارتی کرد "سیخوڕیی بۆ دەوڵەتی تورکیا نەکەن" و دەڵێت، ئەوان "پێگەی باشوور و پێشمەرگەیان قبوڵە و کێشەیان لەگەڵیدا نییە."

 

جەمیل بایک لە چاوپێکەوتنێکیدا لەگەڵ کەناڵی ستێرکی سەر بە پەکەکە کە "ناس کورد" بەدواداچوونی بۆ کردووە (30ی کانونی دووەمی 2021) دەڵێت، "ئێمە پێگەی باشور و پێشمەرگەشمان قبوڵە و هیچ کێشەیەکمان لەگەڵیاندا نییە”.

 

ئەوە لەکاتێکدایە بەرپرسانی پارتی و حکومەتی هەرێم بە بەردەوام ئەو تۆمەتانە ڕەت دەکەنەوە و پەکەکە بە "تێکدانی ئاسایشی هەرێم" تۆمەتبار دەکەن و داوا دەکەن شەری خۆیان لە هەرێمی کوردستان ببەنە دەرەوە.