گه‌ڕان

Shadow Shadow
سیاسه‌تی

زانیاری زیاتر

مەلا بەختیار لەبارەی مەرگی باوکی بێگەرد تاڵەبانی: بە دڵشکاوی کۆچی دوایی کرد

2021.02.02 - 18:51
App store icon Play store icon Play store icon
مەلا بەختیار لەبارەی مەرگی باوکی بێگەرد تاڵەبانی: بە دڵشکاوی کۆچی دوایی کرد

ناس کورد- 

مەلا بەختیار، ئەندامی ئەنجومەنی باڵا و بەرژەوەندیی یەکێتیی نیشتیمانیی کوردستان، لەبارەی کۆچی دوایی باوکی بێگەرد تاڵەبانی دەڵێت، بە دڵشکاوی کۆچی دوایی کرد و تاوەکو مرد جگە لە قاچێکی دەستکرد، هیچی دیکەی نەبوو.

کەناڵی ناس کورد لە تێلیگرام جۆین بکە   

 

مەلا بەختیار، ئەندامی ئەنجومەنی باڵا و بەرژەوەندیی یەکێتیی نیشتیمانیی کوردستان (سێشەممە 2ی شوباتی 2021) لە فەیسبوکی فەرمیی خۆی نوسیویەتی، "دڵشاد تاڵەبانی، وڵات ئاوایی لێكردین، خەم دایگرتم، چونكە دڵشاد بە دڵشكاوی كۆچی دوایی كرد، لە كاتێكدا تێكۆشەرێكی دێرین، پاك و راستگۆ، باوەڕناكەم، جگە لە قاچی دەستكردی، سەرمایەیەكی دیكە هەبوبێت." 

 

ئاماژەی بەوەشکردووە، "لە پێش ڕاپەڕینەوە، كاكە دڵشاد تێكۆشەرە، لە دوای راپەڕینەوە، من دەیناسم، لە شەڕی زنجیرە رەبایەكانی لای خاڵخاڵان هاوینی (1995) كە بەندە فەرماندەی هێرشەكە بووم، پێكەوە بوین."

 

باسی لەوەشکردووە، "هەبوون ئەو كاتە خەریكی فرۆشتنی فیشەك و گولەی ئاڕبی جی بوون، چەندین جاریش نەخشەی گرتنی رەبەیەكانیان تێكداین، مام جەلال لە بروسەكەیەكدا توڕەبوو (بروسكەكەم لایە) دەیزانی، بازرگانەكانی شەڕو ئەوانەی دەیان قات ژمارەی پێشمەرگەیان بۆ موچە نوسیبوو، خۆیان لە شەڕەكە دەدزنەوە، ئەمری پێكردم خۆم رابەرایەتی شەڕەكە بكەم، هەمان شەو، ئەمرەكەم جێبەجێكرد. هێرشەكەمان بەسەركەوتوو كردو چەندین رەبایە گیران، ئەفسەری دیل و سەربازیش گیران، چەك و تەقەمەنی دەستكەوت، لە رەبایەكانی ئەو دەورو بەری كەركوكەوە، تۆپبارانێكی خەست كراین، پێشمەرگەیەكی شەهید ئازاد هەورامی (سوارە ئیلینجاغی) لەگەڵمدا هات، لە هێرشەكەدا شەهید كرا، لە كاتی كشانەوەدا، كە گەیشتینەوە تەق تەق، زانیم كاك دڵشاد تۆپ لێی داوەو قاچێكیشی پەڕیووە." 

 

مەلا بەختیار دەشڵێت، " بەیانیەكەی كە ئاگادار كرام، سەیارەكەی خۆم نارد بە سایەقەكەمەوە (گۆران ئێستا لە لەندەن)ە، كۆپتەر لەئاسمان بوو، سەیارەكەمان قوڕاوی كرد و ئازایانە پێشمەرگەكان گەیاندبوویانە دێی دووشیوان، لەوێشەوە گەیاندمانە كۆیەو لە مردن رزگار كرا."

 

ئاماژەی بەوەشكردووە، "بەقاچی بڕاوەوە، دڵشاد، باقی ژیانی بردەسەر، ئاگاداریشم، گرفتی هەبوو،  رێز لە نێوانمان بەردەوام بوو، دڵشادی كۆچكردوو، پەرێزی خەباتی پاك و وەجاخی خێزانیشی رۆشنە، دڵنیام دوا چركەی ژیانی، بە خەمیشەوە هەناسەی دابێ‌، بەڵام لە ناخیا هەستی سەربەرزی بردە ژێر گڵ!"