گه‌ڕان

Shadow Shadow
سیاسه‌تی

بەڵگە

وادەى بانگهێشتکردنى وەزیرى دارایى بۆ پەرلەمان دیارى کرا 

2021.02.02 - 15:20
App store icon Play store icon Play store icon
وادەى بانگهێشتکردنى وەزیرى دارایى بۆ پەرلەمان دیارى کرا 

ناس کورد-

ئەندامێکی لیژنەی دەستپاکی لەپەرلەمانی عێراق داوا دەکات پێش کۆتایی وەرزی یاسایی پەرلەمان وادەیەک بۆ پرساندنی وەزیری دارایی دیارى بکات، دەشڵێت "پێویستە لێپێچنەوەی لەگەڵدا بکرێت پێش ئەوەی ببێت بە هۆکاری مایە پوچبوونی وڵات".

 

کەناڵی ناس کورد لە تێلیگرام جۆین بکە   

یوسف کیلابی، ئەندامى لیژنەی دەستپاکی پەرلەمانی عێراق لە فراکسیۆنی نەسری سەر بە حەیدەر عەبادی (2ی شوباتی 2021) لە نوسراوێکی فەرمیدا کە ئاڕاستەی سەرۆکی پەرلەمانی کردووە و "ناس کورد" بە دواداچوونی بۆ کردووە ئاماژەى بەوە کرد "داوای کردووە بەزووترین کات وادەیەک بۆ پرساندنی عەلی عەلاوی، وەزیری دارایی عێراق، دیاری بکرێت پێش کوتایی وەرزی یاسایی پەرلەمان".

 

لەنوسراوەکەدا کە لە بەرواری 30ی کانوونی دووەمی ڕابردوودا ئاراستەی سەرۆکی پەرلەمان کراوە و واژۆی ئەو پەرلەمانتارەی پێوەیە، کیلابی دەڵێت "پێویست بوو لە مانگی کانوونی دووەمی 2021دا وەزیری دارایی بانگهێشتی پەرلەمان بکرایە کە دەبوایە دوای پرساندنی سەرۆکی دەستەی ڕاگەیاندن و پەیوەندییەکان و پێش بانگهێشتکردنی بەڕێوەبەری بانکی ناوەندی ئەنجام بدرایە، بەڵام تائێستا ناوبراو هیچ وادەیەکی بۆ دیاریی نەکراوە".

 

کیلابی دەشڵێت "بۆیە بفەرمون بە دیاریکردنی وادەیەک بۆ پرساندنی ئەو وەزیرە پێش ئەوەی ببێت بەهۆکاری مایەپوچبونی عێراق".