گه‌ڕان

Shadow Shadow
سیاسه‌تی

ئێران وەڵامی مەرجەکانی ئەمریکای دایەوە

2021.02.01 - 22:20
App store icon Play store icon Play store icon
ئێران وەڵامی مەرجەکانی ئەمریکای دایەوە

ناس کورد-

جەواد زەریف، وەزیری دەرەوەى ئێران ڕایگەیاند، مەرجەکانی ئەمریکا بۆ گەڕانەوە بۆ ڕێککەوتننامەى ئەتۆمی بێمانان.

کەناڵی ناس کورد لە تێلیگرام جۆین بکە   

 

کەناڵی ناس کورد لە تێلیگرام جۆین بکە

جەواز زەریف لە ڕوونکردنەوەیەکدا کە "ناس کورد" بەدواداچوونی بۆ کردووە (1ی شوباتی 2021) دەڵێت، ئیدارەی بایدن شێواز و چۆنیەتی گەڕانەوەى بۆ ڕێککەوتنەکە دیاری نەکردووە بەڵام "ئێمە دەمانەوێت ڕێککەوتنەکە جێبەجێ بکەین."

 

وتیشی، "ئێمە جددین لە پاراستنی ڕێککەوتننامەکەدا و هەڵوێستی کۆماری ئیسلامی ئێرانیش لەبارەى ڕێککەوتنەکەوە ڕوونە".

 

ئێوارەى ئەمڕۆ وەزیری دەرەوەى ئەمریکا ئاشکرای کرد، واشنتن ئامادەیە بگەڕێتەوە بۆ ڕێککەوتنی ئەتۆمی بەڵام بە مەرجێک ئێران پابەند بێت پێیەوە.  

  

ئەنتۆنی بلینکن، وەزیری دەرەوەى ئیدارەکەی بایدن لە چاوپێکەوتنێکی تەلەفزیۆنیدا لەگەڵ کەناڵی "CNN"ی ئەمریکی کە "ناس کورد" بەدواداچوونی بۆ کردووە (1ی شوباتی 2021) دەڵێت، وڵاتەکەى لەگەڵ هاوپەیمان و هاوبەشەکانی کار دەکەن بۆ گەیشتن بە ڕێککەوتنێکی درێژتر و بەهێزتر لەگەڵ ئێران.  

  

کەناڵی ناس کورد لە تێلیگرام جۆین بکە  

  

وتیشی، "پێدەچێت ئێران چەند هەفتەیەکی مابێت بۆ بەدەستهێنانی چەکی ئەتۆمی ئەگەر بەردەوام بێت لە پێشێلکردنی ڕێککەوتننامەى ئەتۆمی."  

  

وتیشی، "دەبێت ئێران لە پێش ئەمریکاوە پابەند بێت بە ڕێککەوتنەکەوە، ئێران بۆ بەدەستهێنانی چەکی ئەتۆمی بەردەوامە لە پێشێلکردنی یاساکانی ڕێککەوتنامەى ئەتۆمی ساڵی 2015 و لە پلانیدایە لە چەند هەفتەی داهاتودا چەکی ئەتۆمی بەدەستبهێنێت".  

  

ئەنتۆنی بلینکن ئەوەشی خستەڕوو، "ئه‌گه‌ر ئێران پابه‌ندبێت به‌ بڕگه‌كانی ڕێكکه‌وتنه‌ ئه‌تۆمیه‌كەوە‌، ئه‌وا ئه‌مەریكا هه‌وڵ ده‌دات ڕێککەوتنێکی درێژتر وبەهێزتر لەگەڵی واژۆ بکات".  

  

بلینکن ئەوەشی ئاشکراکردووە کە "هەڵسەنگاندن بۆ پابەندبوونەکانی ئێران دەکەین، دواتر ئێمە بڕیار دەدەین کە ئایا دەگەڕێینەوە بۆ ئەو ڕێککەوتنە یاخود نا."  

  

ساڵی 2018، دۆناڵد ترەمپ، سەرۆکی ئەوکاتەی ئەمەریکا لە ڕێککەوتنی ئەتۆمی پێنج کۆ یەک کشایەوە کە لە ساڵی 2015دا و لە سەردەمی سەرۆکایەتی باراک ئۆبامالەگەڵ ئێران واژۆکرابووە، جگە لەوە، دووبارە سزاکانی بەسەر ئەو وڵاتەدا سەپاندەوە و هەڕەشەی سەپاندنی سزاشی بەسەر هەر کۆمپانیایەکی بیانی کرد کە بەشداریی لە چالاکیەکانی ئێران بکەن.