گه‌ڕان

Shadow Shadow
سیاسه‌تی

وردەکاریی

پێنج بڕیارى نوێ لە کازمییەوە

2021.01.31 - 19:49
App store icon Play store icon Play store icon
پێنج بڕیارى نوێ لە کازمییەوە

ناس کورد-

بۆ ڕێگریکردن لەتەشەنە سەندنى نەوەى گۆڕاوى ڤایرۆسى کۆرۆنا، مستەفا کازمى سەرۆک وەزیرانى عێراق پێنج بڕیارى دەرکرد.

 

کەناڵی ناس کورد لە تێلیگرام جۆین بکە   

بەپێی بەیاننامەیەکى ئەمیندارێتى ئەنجومەنى وەزیران (31ى کانوونى دووەمى 2021) کە وێنەیەکى دەست "ناس کورد" کەوتووە، بڕیارى یەکەم تایبەتە بە جەختکردنەوە لەجێبەجێکردنى بڕیارەکانى لیژنەى باڵاى بەرەنگاربوونەوەى کۆرۆنا هەر لەداخستنى سنورەکان لەگەڵ سەرجەم ئەو وڵاتانەى کە ڤایرۆسەکەى تێدا سەریهەڵداوە.

 

ئاماژە بەوەشکراوە، بەپێی بڕیارى دووەم دەبێت وەزارەتى دەرەوە لەڕێگەى سەرجەم باڵیۆزخانەکانى عێراق لەوڵاتان هەماهەنگى لەگەڵ ئەو وڵات و کۆمپانیایانەدا بکات کە ڤاکسینى دژە کۆرۆنایان دروستکردووە بۆ پەلە گەیاندنى بەعێراق لەوانە کۆمپانیاى فایزەر و ئیسترازینیکا.

 

بەپێی بڕیارى سێیەم، تاڕەزامەندى وەزارەتى تەندروستى وەرنەگیردرێت ڤاکسین نەدرێتە ئەو هاوڵاتیانەى کە لەدەزگاکانى دەرەوەى دەزگا تەندروستیەکاندا کاردەکەن.

 

هەروەها بەپێی بڕیارى چوارەمى کازمى، گێڕانى پرسە و بۆنە ئاینییەکان لەوەقفەکانى سوننى و شیعە و هەروەها کەنیسەکانى مەسیحى و پەرستگاى ئێزیدى و ئاینەکانى تر قەدەغە دەکرێت.

 

لە بڕیارى پێنجەمیشدا جەختکراوەتەوە لەسەر پابەندکردنى وەزارەتى پەروەردە بەیەک دەوامى لەقوتابخانەکاندا و گرتنەبەرى ڕێکارەکانى خۆپارێزى و هاریکارى کردنى دەزگا تەندروستیەکان لەلایەن قوتابخانەکانەوە و ئەنجامدانى پشکنین و چاودێرى کردنى دۆخى تەندروستى قوتابیان وخوێندکاران.