گه‌ڕان

Shadow Shadow
سیاسه‌تی

زانیاری زیاتر

ڕوونکردنەوەیەک سەبارەت بە ڕاگرتنی مامۆستایەکی ئایینی لە وتاردان

2021.01.30 - 21:12
App store icon Play store icon Play store icon
ڕوونکردنەوەیەک سەبارەت بە ڕاگرتنی مامۆستایەکی ئایینی لە وتاردان

ناس کورد-

بەڕێوەبەرایەتیی ئەوقافی ڕاپەڕین سەبارەت بە پرسی ڕاگرتنی مامۆستایەکی ئایینی لە وتاردان و بڵاوکردنەوەی هەواڵێک لەوبارەیەوە لە پەیجێک، ڕوونکردنەوەیەکی بڵاوکردەوە و ڕایگەیاند، ئەو مامۆستایە کادری یەکگرتووی ئیسلامییە سکاڵای لەسەر بووە.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا بەڕێوەبەرایەتیی ئەوقافی ڕاپەڕین (شەممە 30ی کانوونی دووەمی 2021) ڕایگەیاند، " ڕۆژی سێشەممەی ڕابردوو نوسراوی وەستاندنی كاك مەلا ئومێد لەوتار چووەتە بەڕێوەبەرایەتیی ئەوقافی ڕاپەڕین و  بەڕێوەبەری كارگێڕی واژۆی لەسەر کردووە، چونکە لەوکاتەدا بەڕێوەبەری ئەوقافی ڕاپەڕین لە بەڕێوەبەرایەتی گشتی ئەوقافی سلێمانی بووە."

 

ئاماژەی بەوەشکردووە، "كاك مەلا ئومێد خۆی زۆر باش دەزانێت كە ئێمە لە ئەوقافی ڕاپەڕین پەرۆش بووین بۆ كێشەكانی و هەردەم بەشێك بووین بۆ چارەسەری كێشەكانی گەر بۆی دروست بووبیت كە زۆر جار هۆكارەكەیش خۆی بووە بەو سیفەتەی ناوبراو جگە لەوەی فەرمانبەری ئەوقافە، هاوكات كادری یەكگرتووی ئیسلامیە و خۆیشی باش دەزانێت كە لە هەفتەی ڕابردوو سكاڵا لە دژی ناوبراو لەسەر پرسێك گەیشتبووە بەڕێز ( م.زێندین ) كە لە پشكی یەكێتی نیشتمانی كوردستان بریكاری وەزیری ئەوقافە و وەك وەزارەت بەپێی یاسا ڕامان دەسپێرێت بۆ ڕێگری لەتەشهیرو دەستەبەری ئاشتی و پێكەوەژیان."

 

ئەوەشی خستووەتەڕوو، "دواجاریش ناوبراو وەك تێكڕای فەرمانبەرانی حكومەت فەرمانبەرە، دەشێت ئەویش لە هەندێ حاڵتدا ( پاداشت و سزا ) بیگرێتەوە و لە كاری فەرمانبەری شتێكی ئاسایی و یاساییە."

 

ئاماژەی بەوەشکردووە، "پێویستە پەیجی شاری ڕانیە پۆزش بهێنێتەوە بۆ بەندە و ڕاستیەكان بگەیەنێتە خەڵك نەوەك چاوەشەكاری بكات لەمەڕ ئەم پرسە، بەپێچەوانەوە سكاڵای یاسایی-مان دەبێت لەسەر ئەم پەیجەو وە هەر بەڕێزێك گوێرانە كۆمێنتی نەشیاوو تەشهیری ناڕەوا بكات."