گه‌ڕان

Shadow Shadow
چیرۆكه‌كانمان

ژورى بازرگانى هەولێر: ئاگامان لەو بابەتە نییە

300 كۆمپانیاى ئێرانى چوار پێشانگا له‌ هه‌ولێر و به‌غداد دەکەنەوە

2019.05.26 - 18:45
300 كۆمپانیاى ئێرانى چوار پێشانگا له‌  هه‌ولێر و به‌غداد  دەکەنەوە
ناس كورد- یه‌كه‌ى بازرگانى ئێران له‌ عێراق، ئاشكراى ده‌كات كۆتایى مانگى حوزه‌یرانى داهاتوو له‌ هه‌ولێر و به‌غداد چوار پێشانگا ده‌كه‌نه‌وه‌ و تێیدا 300 كۆمپانیا به‌شدارى ده‌كه‌ن. . ناسڕ به‌هزاد به‌ڕێوه‌به‌رى یه‌كه‌ى بازرگانى ئێران له‌ عێراق بە "فارس نیوز"ى ڕاگه‌یاندووه‌: "هه‌ڵده‌ستین به‌ كردنه‌وه‌ى چوار پێشانگاى بازرگانى له‌ هه‌ولێر و به‌غداد له‌ 22ى مانگى حوزه‌یرانى داهاتوو، ئه‌وه‌ش له‌ چوارچێوه‌ى ئه‌و سیاسه‌ته‌ ستراتیژییه‌دایه‌ كه‌ وه‌زاره‌تى بازرگانى و پیشه‌زى ئێران هه‌یه‌تى به ‌ئامانجى گه‌شه‌پێدانى بازرگانى له‌نێوان ئێران و عێراق بۆ به‌رزكردنه‌وه‌ى هه‌نارده‌كردنى كاڵاى نانه‌وتى". . ئه‌وه‌شى ڕاگه‌یاندووه‌: "پێشانگاكان پێكهاتووه‌ له‌ كه‌لوپه‌لى ڕه‌مه‌زانى و كارى ده‌ستى له ‌به‌غداد، هاوكات به‌شداریكردن له‌ پێشانگاى نێوده‌وڵه‌تى په‌یوه‌ندییه‌كان و ته‌كنه‌لۆژیاى زانیارى و ڕاگه‌یاندنى هه‌ولێر، وه‌ پێشانگاى تایبه‌تى ئێران له‌و شاره‌". . ناسڕ به‌هزاد به‌ڕێوه‌به‌رى یه‌كه‌ى بازرگانى ئێران له ‌عێراق پێشبینى ئه‌وه‌یكرد، 300 كۆمپانیاى ئێرانى له‌ پێشانگاكان به‌شدارى بكه‌ن. . عه‌بدولواحید ته‌ها به‌ڕێوه‌به‌رى به‌شى ڕاگه‌یاندنى ژورى بازرگانى و پیشه‌سازى هه‌ولێر له‌وباره‌یه‌وه‌ بێ ئاگایى خۆیى نیشاندا، به‌ ناس كوردى وت: "زانیاریمان نیه‌ له‌باره‌ى كردنه‌وه‌ى ئه‌و پێشانگایانەى کۆمپانیا ئێرانییانە کە باس دەکرێن". .