گه‌ڕان

Shadow Shadow
سیاسه‌تی

وردەکاریى

ئەڵمانیا گومان لە کارایى ڤاکسینە بەریتانیانییەکە دەکات 

2021.01.29 - 14:48
App store icon Play store icon Play store icon
ئەڵمانیا گومان لە کارایى ڤاکسینە بەریتانیانییەکە دەکات 

ناس کورد-

لیژنەی کوتان وڤاکسینەکانی ئەڵمانیا، هۆشداری دەدات لە کوتانی ئەو کەسانەی کە تەمەنیان لەسەرو 65 ساڵدایە بە ڤاکسینی ئەسترازێنێکای دژ بە ڤایرۆسی کۆرۆنا و لەو بڕوایەدان هیچ بەڵگەیەک لەسەر کارابوونی ئەو ڤاکسینە بۆ سەر بەساڵاچوان نییە.

 

کەناڵی ناس کورد لە تێلیگرام جۆین بکە   

بەگوێرەی ڕاپۆرتێکی ئاژانسی"فرانس پرێس" ( 29ی کانوونی دووەمی 2021 ) کە " ناس کورد" بەدواداچوونی بۆ کردووە "لیژنەی کوتان و ڤاکسینەکانی ئەڵمانیا داوای کردووە ئەوانەی کەتەمەنیان لەسەروو 65 ساڵدایە ڤاکسینی ئەسترازێنێکای دژ بەکۆرۆنا وەرنەگرن".

 

ئەوە لە کاتێکدایە کە بەگوێرەی ڕێکخراوی تەندروستیی جیهانی، توخمە گۆڕاوەکەی ڤایرۆسەکە بەردەوامە لەبڵاوبوونەوە لە 70 وڵات و لە 31 وڵات چاودێری توخمەکەی باشووری ئەفریقا دەکرێت".

 

بەگوێرەی ئاژانسە فەرەنسییەکە "تاقیگەکانی فایزەر و بایۆنتێک ڕۆژی پێنجشەممە ئەوەیان پشتڕاست کردەوە کە ڤاکسینەکانیان کاریگەری خۆی لە دژی توخمە گۆڕاوەکەی بەریتانیا و باشووری ئەفەریقا نیشانداوە و توانای پاراستنی سودمەندبووانی هەیە".  

 

هاوکات کۆمپانیای مۆدیرنا کاریگەری ڤاکسینەکەی دژ بەتوخمە گۆڕاوەکەی بەریتانیا  دوپاتکردووەتەوە، بەڵام جەختیلەوەکردووەتەوە کەمتر کاریگەری هەیە بەرانبەر بە توخمە گۆڕاوەکەی باشوری ئەفریقا ".

 

ئاژانسی هەواڵی فرانس پرێس، ئەوەی خستووەتە ڕوو" لیژنەی کوتان و ڤاکسینەکانی ئەڵمانیا، پێشنیازی کردووە ڤاکسینی  ئەسترازنیکا لە ئێستادا تەنها بۆ کەسانەی کە تەمەنیان لەنێوان 18 بۆ 64 ساڵیدایە بەکاربهێنرێت، چونکە ئەو داتایەی کە ئێستا لەبەردەستدایە ئاماژە بەوە دەکەن ڤاکسینەکە هیچ کاریگەرییەکى ئەوتۆی نەبووە بۆ ئەوانەی کە تەمەنیان زیاترە لە 65 ساڵ".

 

 ئاماژە بەوەشکراوە "ئەگەر کوتان سنوردار بێت بەو کەسانەی کە تەمەنیان لە خوار 65 ساڵەوەیە، ئەوە زۆربەی حکومەتە ئەوروپییەکان ناچار دەبن ستراتیژێکی دیکە بگرنەبەر،  چونکە پلانی ئەو وڵاتانە جەختدەکاتەوە لەسەر لەپێشینەی پێدانی ڤاکسین بە کەسانی بەساڵاچوو. 

 

ڤایرۆسی کۆرۆنا تائێستا زیاتر لە 100 ملیۆن کەسی لە جیهاندا گیرۆدە کردووە و زیاتر لە دووملیۆن کەسی دیکەشی کردووەتە قوربانی.