گه‌ڕان

Shadow Shadow
سیاسه‌تی

وردەکاری

ئەربەکانى نوێ لە تورکیا دەردەکەوێت

2021.01.28 - 23:32
App store icon Play store icon Play store icon
ئەربەکانى نوێ لە تورکیا دەردەکەوێت

ناس کورد- 

هاوپەیمانێتیەکى نوێ لە تورکیا خەریکە دەردەکەوێت و بەپێى ڕاپۆرتە ڕۆژنامەوانیەکان فاتیح ئەربەکان کوڕى نەجمەدین ئەربەکان سەرۆکى وەزیرانى پێشوترى ئەو وڵاتە یەکێکە لە سیما دیارەکانى ئەو هاوپەیمانێتیە.

کەناڵی ناس کورد لە تێلیگرام جۆین بکە   

 

بەپێى ڕاپۆرتە ڕۆژنامەوانیەکان، هاوپەیمانێتى سێیەم لە تورکیا لە سەروبەندى دروستکردن و دەرکەوتندایە، ئەوەش لە وتەکانى فاتح ئەربەکاندا دەرکەوت کاتێک وتى کە لە ئێستادا کارى لەسەر دەکرێت.

 

بەپێى ڕاپۆرتەکان، ئەربەکان کە لە ساڵى 2018 پارتى "سەعادەتى نوێ"ى دروستكردوە لە وتەیەکدا لە بارەگاى حزبەکەى لە ئەنقەرە وتى، لەئەمڕۆ دەتوانین بە تەنها بەشدارى هەڵبژاردن بکەین، گفتوگۆ هەیە  و ڕێوشوێن گیراوەتەبەر بۆ دروستکردنى بڕبڕەى پشتى هاوپەیمانى سێیەم، یەکێک لەو بژاردانەش پەیڕەو دەکەین.

 

جەختیلەوەشکردوەتەوە، لە 81 پارێزگا و زیاتر لە 900 بازنە کارى ڕێکخراوەیى دەکەن و ئەندامانیان 100 هەزارى تێپەڕاندوە.

 

حزبەکەى ئەربەکان سیمایەکى ئیسلامى هەیە و چەندین کەسایەتى دیارى تورکیا لە دامەزرێنەرانى ئەو حزبەن، ئەوەش سەرەڕاى چەندین هاوڕێى نەجمەدین ئەربەکانى باوکى.

 

هەوڵدان بۆ دامەزراندنى هاوپەیمانێتى سێیەم لە تورکیا لەکاتێکدایە، کە حزبى دادپەروەرى و گەشەپێدانى دەسەڵاتدار جوڵەکانى بۆ فراوانکردنى هاوپەیمانێتیەکەى دەستپێکردوە.

 

شارەزایانى سیاسى تورکیا پێیان وایە، سەرەڕاى ئەوەى هاوپەیمانێتى سێیەم ڕوون نییە بەڵام لەوانەیە لە حزبە نوێکانى تورکیا دروست بکرێت، بەتایبەتى ئەوانەى لە پارتى ئاکەپە یان پارتى گەلى کۆمارى جیابونەتەوە.

 

لە تورکیا دوو هاوپەیمانێتى سەرەکى هەیە ئەوانیش "هاوپەیمانێتى کۆمارى" کە لە پارتەکانى ئاکەپە و مەهەپە پێکهاتوە، هەروەها "هاوپەیمانێتى نەتەوە" کە لە پارتەکانى جەهەپە، هەدەپە، پارتى نوێ و پارتى سەعادەت پێکهاتووە.