گه‌ڕان

Shadow Shadow
سیاسه‌تی

کچێکی 11 ساڵ خۆی کوشت

بەهۆی نەبوونی مۆبایل کچێکی 11 ساڵ کۆتایی بە ژیانی خۆی هێنا

2021.01.28 - 22:38
App store icon Play store icon Play store icon
بەهۆی نەبوونی مۆبایل کچێکی 11 ساڵ کۆتایی بە ژیانی خۆی هێنا

ناس کورد-

لە شاری سەحنەی پارێزگای کرماشان، کچێکی 11 ساڵ بەهۆی نەبوونی مۆبایل و بێبەشبوونی لە پەروەردەی ئەلەکترۆنی، کۆتایی بە ژیانی خۆی هێنا.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا ڕێکخراوی مافی مرۆڤی هەنگاو (پێنجشەممە 28ی کانوونی دووەمی 2021) ڕایگەیاند، "کچێکی 11 ساڵەی خەڵکی شاری سەحنەی پارێزگای کرماشان بە ناوی "لەیلا ڕەزایی" لە رێگای خۆهەڵواسینەوە کۆتایی بە ژیانی خۆی هێنا."

 

ئاماژەی بەوەشکردووە، بە وتەی سەرچاوەیەکی ئاگادار، "لەیلا ڕەزایی قوتابیی پۆلی پێنجی سەرەتایی بووە و بەهۆی هەژاری و دەستکورتیی بنەماڵەکەی کە نەیانتوانیوە بۆ بەشداربوونی لە وانە ئەلەکترۆنییەکانی پڕۆگرامی 'شات' مۆبایلی بۆ بکڕن، کۆتاییی بە ژیانی خۆی هێناوە."

 

بە پشت بەستن بە ئامارە تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ساڵی 2020 لانیکەم 45 مێرمنداڵ کە 26 کەسیان کچ و 19 کەسیان کوڕ بوون، لە شارەکانی ڕۆژهەڵاتی کوردستان کۆتاییان بە ژیانی خۆیان هێناوە.