گه‌ڕان

Shadow Shadow
سیاسه‌تی

لەسەر تۆمەتبارکردنی بە ’’بێدەنگبوون’’ بەرامبەر فیلمە ئێرانیەکە وەزارەتى ڕۆشنبیرى هاتەدەنگ 

2021.01.28 - 15:32
App store icon Play store icon Play store icon
لەسەر تۆمەتبارکردنی بە ’’بێدەنگبوون’’ بەرامبەر فیلمە ئێرانیەکە وەزارەتى ڕۆشنبیرى هاتەدەنگ 

ناس کورد-



لەسەر تۆمەتبارکردنیان بەبێدەنگبوون بەرامبەر فیلمە ئێرانییەکە، وەزارەتى ڕۆشنبیرى هەرێم هاتە دەنگ و ڕایگەیاند، وەڵامى نوسینگەى پەیوەندییەکانى دەرەوە وەڵامى ئەوانیش بووە لەو بارەیەوە.

 

کەناڵی ناس کورد لە تێلیگرام جۆین بکە   

 

نامیق هەورامى وتەبیژى وەزارەتى ڕۆشنبیرى هەرێمى کوردستان لە لێدوانێکیدا بۆ "ناس کورد" ڕایگەیاند "حکومەت یەک دامەزراوەیە و نوسینگەى پەیوەندییەکانى دەرەوەى هەرێمى کوردستانمان هەیە و بەفەرمى لەوبارەیەوە موفاتەحەى ئێرانى کردووە، ئەوەى کە گەیاندوویەتى ڕاى سەرۆکایەتى حکومەت و سەرجەم دامەزراوەکانیەتى و ڕاى ئێمەشە وەکو وەزارەت".

 

وتیشى "هەندێک شت پێویست دەکات وەزارەتێک وەڵامبداتەوە و هەندێک کاریش پێویست دەکات وەزارەتى دەرەوە کە ئێمە نوسینگەى پەیوەندییەکانى دەرەوەمان هەیە وەڵامبداتەوە".

 

هەورامى باسى لەوەشکرد، نوسینگەى پەیوەندییەکانى دەرەوە پرس و ڕاى بەهەموو لایەک کردووە و ئەوەش بووەتە ڕاى فەرمى حکومەت کە گەیاندوویانە و پێویستیش ناکات هەر کەس و لەلاى خۆیەوە قسە بکات و ئەوان ڕاى فەرمى حکومەتیان گەیاندووە.

 

لەبارەى وەڵامدانەوەى هونەرییانەى ئەو فیلمەوە لەئایندەدا، نامیق هەورامى وتى "نەخێر چونکە ئەو کارە هێندە بێ ئەرزشە کە قابیلى ئەوەنیە پێى بڵێیت فیلم دووەمیش پێبڵێت هونەر ئەوە بوغزێکى داخ لەدڵانەیە بەرامبەر سەرکردایەتى کورد و هێزى پێشمەرگە".

 

وتەکانى وتەبێژى وەزارەتى ڕۆشنبیرى هەرێم دواى ئەوە دێت، ڕێبوار بابکەى پەرلەمانتارى پارتى لەپەرلەمانى کوردستان رایگەیاندبوو، بێ دەنگی وەزیری ڕۆشنبیری و وەزارەتەکەی لە مەڕ فیلمە ئێرانییەکە زیاتر لە مانایەک هەڵدەگرێت، کە "ئێمە نە وەزیرمان هەیە نە وەزارەت".

 

دەشڵێت "پێویست بوو وەزارەتى ڕۆشبنیرى بەدوو ئاڕاستە وەڵامى بدایەتەوە یەکەمیان، سەرزەنشتی ئەو فیلمەی کردایە و داوای لە هاوتا وەزارەتەکەی (وەزارەتی توراسی ڕۆشەنبیری و گەشتیاری) لە حکومەتی ئێران کردایە داوای لێبوردن بکات. دووەمیشیان قەدەغەی نمایشکردنی ئەو فیلمەی لە کەناڵ و سایتەکان و پەیجەکانی سەر بەو کەناڵانەی لە هەرێمی کوردستانى بکردایە".