گه‌ڕان

Shadow Shadow
سیاسه‌تی

ئێستا لێپێچینەوەی لەگەڵ دەكرێت

بۆ وەرگرتنى ڤاکسینى خۆڕایی ملیاردێرێک خۆى دەکاتە پاککەرەوە

2021.01.28 - 13:12
App store icon Play store icon Play store icon
بۆ وەرگرتنى ڤاکسینى خۆڕایی ملیاردێرێک خۆى دەکاتە پاککەرەوە

ناس كورد_

لەپێناوە وەرگرتنى ڤاکسینى دژە کۆرۆنا بەبێ بەرامبەر ملیاردێرێکى کەنەدى لەگەڵ هاوەسەرەکەیدا زیاتر لە هەزار كیلۆمەتریان بڕیوە و چوونەتە ئەمەریکا، لەوێش خۆیان كردووە بە کرێکارى پاککەرەوە بۆ ئەوەى وەکو هاوڵاتیەکى ئەو وڵاتە بە ڤاكسین بكوترێن.

کەناڵی ناس کورد لە تێلیگرام جۆین بکە   

 

بە گوێرەی هەواڵێکى تۆڕى CBC  کەنەدى کە " ناس کورد " بەدواداچوونى بۆ کردووە (28 كانونی دووەمی 2021)، ڕۆدنى بێکەرى سەرمایەدارى  تەمەن 55 ساڵ و کاترینیاى تەمەن 35 ساڵى هاوسەرى کەنەداوە بەرەو ویلایەتى مینیسوتاى ئەمەریکى بەمەبەستى وەرگرتنى ڤاکسینى دژە کۆرۆنا بەبێ بەرامبەر کەوتوونەتە ڕێ.

 

ئاماژە بۆ ئەوەش کراوە، پاش گەیشتنیان بەئەمەریکا بەفڕۆکەیەکى تایبەتى، ئەو دوو هاوسەرە خۆیان گۆریوە و جلوبەرگى کرێکارى پاککەرەوەیان کردووەتەبەر وەکو کرێکارى هۆتێل خۆیان پیشانداوە و لەڕێگەى ساختە کردنى هەندێک بەڵگەنامەوە خۆیان کردووەتە خەڵکى شارێکى ناوچەکەو بەوهۆیەوە بێ بەرامبەر ڤاکسینى دژە کۆرۆنایان لێکوتراوە.

 

بەپێى ئەو ماڵپەڕە کەنەدییە، کاتێک ئەو دوو هاوسەرە لەڕێگەى گەڕانەوەیان بۆ ڤانکۆڤەر پۆلیس گومانى لێکردوون و بەتۆمەتى فێڵ و تەڵەکەى نایاسایى و پابەند نەبون بەکەرەنتینەوە دەستگیرکراون کە پێدەچێت دووچارى سزاى پێبژاردن بەبڕى هەزار و 150 دۆلار لەگەڵ زیندانى کردن بۆ 6 مانگ ببنەوە.

 

لاى خۆشیانەوە بەرپرسانى تەندروستى ناوچەکە ئەوەشیان ڕاگەیاندووە، ئەو دوو هاوسەرە بەهۆى ئەوەى پشکنینان نەکردووە و پابەندى مەرجەکانى خۆپارێزى نەبوون مەترسییەکى زۆریان بۆخەڵکى ئەو ناوچەیە کە تێکەڵیان بوون دروستکردووە.

 

کۆمپانیاى بیکەر خاوەنى زیاتر لە 20 کافێ ناودارە کۆڵۆمبیاى بەریتانیا و ئەونتارێۆ و نیو پڕۆنزیک و نۆڤا سکۆشا و چەند وڵاتێکى تر و ساڵى پاریش بەتۆمەتى تێوە گلان لەگەندەڵى لێپێچینەوەى لەگەڵدا کرا.