گه‌ڕان

Shadow Shadow
سیاسه‌تی

وردەکاریى

لێدوانى نوێى وەزیرى پەروەردە لەبارەى پێشخستنی دەستپێکردنەوەی خوێندن 

2021.01.28 - 11:51
App store icon Play store icon Play store icon
لێدوانى نوێى وەزیرى پەروەردە لەبارەى پێشخستنی دەستپێکردنەوەی خوێندن 

ناس کورد-

وەزیری پەروەردەی حکومەتی هەرێمی کوردستان ڕایگەیاند"وەکو وەزارەتی پەروەردە پێمان باشە کاتی دەستپێکردنەوەی خوێندن لە پۆلەکانی 1ی بنەڕەتی تاوەکو 11ی ئامادەیی پێشبخرێت و بکەوێتە مانگی شوبات".

 

کەناڵی ناس کورد لە تێلیگرام جۆین بکە   

د. ئالان حەمەسەعید، وەزیرى پەروەردەى حکومەتى هەرێمى کوردستان (28ی کانونی دووەمی 2021) لەکاتی دانانی بەردی بناغەی شاری مامۆستایان لە کۆنگرەیەکی ڕۆژنامەوانیدا کە پەیامنیری "ناس کورد" ئامادەی بوو ڕایگەیاند، لە ڕۆژی 2ی 2ی 2021 جارێکی دیکە لیژنەی باڵای ڕوبەڕوبونەوەی کۆرۆنا کۆدەبێتەوە و تاوتوێی دۆخەکە دەکات کە ئایا وەکو ئەوەی پێشتر بڕیاردراوە کردنەوەی دەرگای قوتابخانەکان بۆ پۆلەکانی 1ی بنەڕەتی تاوەکو 11ی ئامادەیی بکەوێتە 1ی 3ی 2021 یاخود گۆڕانکاری تێدا دەکرێت، باسی لەوەشکرد، وەکو وەزارەتی پەروەردە لەگەڵ بەڕێوەبەری گشتی پەروەردەی پارێزگاکان کۆبوینەتەوە و چاوەڕوان دەکرێت ڕۆژی شەممە ڕاپۆرتی خۆمان ئامادە بکەین بۆ کۆبوونەوەی لیژنەی باڵای ڕوبەڕوبونەوەی کۆرۆنا بەڵام وەکو وەزارەت پێشنیار دەکەین کردنەوەی دەرگای قوتابخانەکان پێشبخرێت بۆ مانگی شوبات.

 

جەختی لەوەشکردەوە، بڕیاری کۆتایی لەبارەی وادەی کردنەوەی دەرگای قوتابخانەکان لەلایەن لیژنەی باڵای ڕوبەڕوبوونەوەی کۆرۆنا دەدرێت.

 

سەبارەت بە موچەی مامۆستایانیش وتی "هەوڵەکان بەو جۆرەیە لەداهاتوودا 30 ڕۆژ جارێک موچە دابەش بکرێت، بەڵام بڕی موچە و لێبڕینەکان ئەوە لەلایەن ئەنجومەنی وەزیرانەوە و بەپێی ئەو داهاتەی بەردەست دەبێت دیاری دەکرێت".

 

پێشتر عەبدولسەلام دۆڵەمەری سەرۆكی لیژنەی پەروەردە و خوێندنی باڵا لە پەرلەمانی كوردستان ڕاگەیاندبوو "چەند پێشنیازێكمان ئامادەكردووە بۆ ئەوەی بیدەین بە لیژنەی باڵای روبەڕوبونەوەی كۆرۆنا كە بڕیارە لە 2-2-2021 كۆببێتەوە، ئێمە پێشنیازمان كردووە كە پێش مانگی ئادار دەوام لە قوتابخانەكان دەست پێبكاتەوە، پێمان وایە جیاوازی نییە مانگی 2 یان 3 دەست پێبكاتەوە، ئەگەر مانگی 2 دەست پێبكاتەوە دەتوانرێت زوتر پڕۆگرامی خوێندن تەواو بكرێت، چونكە 180 رۆژ پێویستە بۆ تەواوكردنی پڕۆگرامی خوێندن".