گه‌ڕان

Shadow Shadow
سیاسه‌تی

وردەکاریى

هێزە چەکدارەکانى ئێران لە وەڵامى ئیسرائیلدا: تەلئەبیب دەسڕینەوە

2021.01.27 - 20:19
App store icon Play store icon Play store icon
هێزە چەکدارەکانى ئێران لە وەڵامى ئیسرائیلدا: تەلئەبیب دەسڕینەوە

ناس کورد- 

وتەبێژى هێزە چەکدارەکانى ئێران ڕایگەیاند، قسەکردنى ئیسرائیل لەسەر هێرشکردنە سەرمان تەنها وەهم و خەونە، هەڕەشەى سڕینەوەى تەلئەبیبى پایتەختیش دەکات.

 

کەناڵی ناس کورد لە تێلیگرام جۆین بکە   

ئەبو فەزڵ شکارچى وتەبێژى هێزە چەکدارەکانى ئێران (چوارشەممە، 27ى کانونى دووەمى 2021) لە لێدوانێکى ڕۆژنامەوانیدا کە "ناس کورد" بەدواداچوونى بۆ کردووە سەبارەت بە هەڕەشەکانى ئیسرائیل بۆ هێرشکردنە سەر دامەزراوە ئەتۆمیەکانى ئێران وتى، قسەکردنى ئەو وڵاتە لەبارەى وێرانکردنى دامەزراوە ئەتۆمیەکانمان تەنها وەهم و خەونى شێواوە.

 

باسى لەوەشکرد، سوپاى ئیسرائیلى لە ترسدا دەژى و لەوە بێهێزترە کە هەڕەشەکانى بخاتە بوارى جێبەجێکردنەوە، ئەو وڵاتە هەر گەمژەییەک بەرامبەر دامەزراوە ئەتۆمیەکانمان ئەنجام بدات، تەلئەبیب وێران دەکەین و دەیسڕینەوە.

 

ئەمەش دواى ئەوە دێت، پێشتر ئەفیف کوخافى سەرۆک ئەرکانی سوپای ئیسرائیل لە کۆنگرەیەکى ڕۆژنامەوانیدا باسى لەوەکردبوو، ڕێگە نادەن ئێران لە بەدەستهێنانى چەکى ئەتۆمى نزیک ببێتەوە و پلانى هێرشکردنە سەر دامەزراوە ئەتۆمیەکانى ئەو وڵاتەیان داناوە.