گه‌ڕان

Shadow Shadow
سیاسه‌تی

باوەڕیان پێمەکەن

پەرلەمانتارێک: ئێستا کۆمپانیاکانی کۆکردنەوەی پارەی ئاو پارە کەم دەنوسن

2021.01.26 - 20:42
App store icon Play store icon Play store icon
پەرلەمانتارێک: ئێستا کۆمپانیاکانی کۆکردنەوەی پارەی ئاو پارە کەم دەنوسن

ناس کورد- 

ئەندامێکی پەرلەمانی کوردستان ڕایگەیاند، ئێستا کۆمپانیاکانى کۆکردنەوەى پارەى ئاو، بە هەڕەمەکى پێوەر دەخوێننەوە و پارە کەم دەنوسن، بۆ ئەوەى بە خەڵک بڵێن، پێوەرێکى بێ کێشەیە، دەشڵێت، یەکێک لەو کۆمپانیایانەی پێوەری ئاو دەفرۆشێت، چوار ساڵە لە لیستی ڕەشدایە. 

کەناڵی ناس کورد لە تێلیگرام جۆین بکە   

 

دابان محەمەد، فراکسیۆنی گۆڕان لە پەرلەمانی کوردستان (سێشەممە 26ی کانوونی دووەمی 2021) لە فەیسبوکی فەرمی خۆی ڕایگەیاند، "ئێستا کۆمپانیاکانى کۆکردنەوەى پارەى ئاو، بە هەڕەمەکى پێوەر دەخوێننەوە و پارە کەم دەنوسن، بۆ ئەوەى بە خەڵک بڵێن، پێوەرێکى بێ کێشەیە." 

 

ئاماژەی بەوەشکردووە، " دەستخۆشى لە خەڵکى کۆیە دەکەم، پێزانینم بۆ خەڵکى ڕانیە و پشدەر هەیە، کە پێشتر و ئێستا دەیانەوێت ئەم زوڵمە قبوڵ نەکەن و پێوەرى ئاو ڕەتدەکەنەوە."

 

ئەو پەرلەمانتارە لەم خاڵانەدا وردەکاری پڕژەی پێوەری ئاوی ڕوونکردووەتەوە: 

 

1_بیرۆکەى پێوەرى ئاوى ماڵەکەت، هى دوو کۆمپانیا بووە، ( جنون، ئاراس) کە نزیک بوون، لە بەرپرسانى هەردوو حزب، بە فرۆشتنى پێوەر نزیکەى 35 ملیۆن دۆلار قازانجیان کردووە، بێ ئەوەى ئەم پێوەرە بۆ هەرێمى کوردستان گونجاوبێت، لەگەڵ ئەوەشدا 50 هەزار پێوەرى ساختەیان هێنا، ڕەنگە ماڵەکەى تۆ یەکێک لەو پێوەرانە بێت، کۆمپانیاى جنون لە 2017 ئەوە لە لیستى ڕەشدایە، بەڵام ئێستاش پێوەر بە تۆ دەفرۆشێت.

 

2_خوێندنەوە و کۆکردنەوەى پێوەرى ئاو دراوە بە سێ کۆمپانیا ( ختیب علمى، گرنگ، ئۆرانۆس)، بەشێک لەم کۆمپانیانە بەرپرسى گەورەیان لە پشتە، گرێبەستیان هەیە ئەگەر تۆى هاوڵاتى پێوەر نەبەستى بۆ ماوەیەکى دیاریکراو، 60 ملیۆن دۆلار لە حکومەت دەبەنەوە، ئەگەر بیبەستى ئەوا لەو پارەى لەتۆى وەردەگرن بەشێکى بۆ کۆمپانیاکانە (( واتە ئەگەر پێوەر ببەستى پارە لە تۆوە دەچێت بۆ کۆمپانیاکان، ئەگەر نەیبەستى و ڕەتیبکەیتەوە، حکومەت دەبێت چارەسەرى دۆخى خۆى بکات)).

 

3_ پێوەرى ئاو لە هەموو ئەو باج و ڕسوماتانەى حکومەت سەپاندویەتى مەترسیدارترە (( مانگانەیە)) تۆى هاووڵاتى زەرەرمەندى یەکەمى، بە بەستنى پێوەر بە دەستى خۆت کێشە و بەڵایەکى گەورە دەخەیتە ماڵەکەتەوە و دەستى حکومەت و کۆمپانیا دەخەیتە داهات و پارەکەت، بەپێچەوانەوە ڕەتکردنەوەى بەدەست خۆتە بە کۆتایى هاتنى ئەم پرۆسەیە، کۆتایى بەو هەڕەشە و سزایەنەش دێت بەناوى نەبەستنى پێوەر لە تۆ دەکرێت.

 

4_ (( نمونەیەک)) دانیشتووانى سائیب سیتى لە سلێمانى پەیوەندیان پێوەکردین، فشاریان لەسەرە بۆ بەستنى پێوەرى ئاو، سەرەتا بە ترساندنیان بە سزاى 500 هەزار دینار! دواتر بە مامەڵەیەکى نایاسایى بۆ هەر ماڵێک 150 هەزار و بە تەندەر بۆ کۆمپانیایەک! ئینجا لێخۆشبون بۆ سزاکانى سەر حکومەت لە کاتێکدا ئەگەر پێوەر ببەستن، ئەوان و هەر هاوڵاتیەکى تر لەم چەشنە دەتوانن سکاڵا بکەن و دەشیبەنەوە .

 

5_ ئێستا کۆمپانیاکانى کۆکردنەوەى پارەى ئاو، بە هەڕەمەکى پێوەر دەخوێننەوە و پارە کەم دەنوسن، بۆ ئەوەى بە تۆ بڵێن، پێوەرێکى بێ کێشەیە، بۆ ئەوانەشى پێوەریان نەبەستووە، لە هەندێک شوێن دەسەڵاتى حکومەت بەکار دەهێنن و دەڵێن ئەگەر بیبەستى لە سزاکان خۆش دەبین! ئەمە فێڵ و ساختەیە و لە تۆ دەکرێت، بۆ ماوەیەکى کاتیە، دەستخۆشى لە خەڵکى کۆیە دەکەم، پێزانینم بۆ خەڵکى ڕانیە و پشدەر هەیە، کە پێشتر و ئێستا دەیانەوێت ئەم زوڵمە قبوڵ نەکەن و پێوەرى ئاو ڕەتبکەنەوە، هیوادارم چیتر خەڵک پێوەر نەکڕێت و لە ناوچەکانى دیکەش ئەوەى بەستویەتى ڕەتیبکاتەوە.

 

6_ ئەرکى من نوێنەرایەتیکردنى تۆیە، لە 2 ساڵى ڕابردوو، لەگەڵ وەزارتى شارەوانى، کۆمپانیان، لە ڕێگەى ئەنجومەنى پارێزگاکان و پەرلەمان لەسەر خەت بوین و فشارى زۆرمانکرد، زۆر شتمان کرد و زۆر شتمان وت، زۆرى ئەوانە بڕوایان پێهێناین کە زۆڵم و غەدرە و لە تۆ دەکرێت، بەڵام ئیرادەیەک هەیە لە ناو وەزارەتى شارەوانى کە پێشتر هۆکار و هاوکارى کۆمپانیاکان بون، نایانەوێت ئەم پرۆسەیە ڕابگرن، چونکە پێگەکانیان دەکەوێتە مەترسیەوە، حکومەتیش لە ترسى دۆڕاندنى 60 ملیۆن دۆلار، شکستى پرۆسەکە ڕاناگەیەنێت.