گه‌ڕان

Shadow Shadow
سیاسه‌تی

وردەکاری

بایدن: پێویستە ترەمپ دادگایی بکرێت

2021.01.26 - 20:11
App store icon Play store icon Play store icon
بایدن: پێویستە ترەمپ دادگایی بکرێت

ناس کورد-

جۆ بایدن، سەرۆکى ئەمریکا دەڵێت، پێویستە دادگاییکردنى دۆناڵد ترەمپی سەرۆکى پێشوو ڕێچکەى خۆى وەرگرێت، بەڵام بەدورى دەزانێت دادگاییکردنەکە دەنگى تەواوی کۆنگرێس بەدەستبهێنێت.

کەناڵی ناس کورد لە تێلیگرام جۆین بکە   

 

جۆ بایدن لە گفتوگۆیەکدا لەگەڵ تۆڕى هەواڵیی CNNى ئەمریکى باسى لەوەکردوە، دادگاییکردنى ترەمپ گرنگە و کاریگەرى لەسەر پرۆسەى پاڵاوتن و دیاریکردنى پاڵێوراوانى داهاتوو لە ئیدارەى ئەمریکا دەبێت، ئەنجامى بەڕێوەنەچونى لە بەڕێوەچونى خراپتر دەبێت.

 

کەناڵی ناس کورد لە تێلیگرام جۆین بکە

 

ئەو بە دوری دەزانێت لێپێچینەوەى ترەمپ دەنگى پێویست بەدەستبهێنێت، بەڵام ئەگەر شەش مانگ پێش ئێستا ترەمپ لەکار دوربخرایەتەوە ئەوا ئەنجامەکەى جیاواز دەبوو.

 

جۆ بایدن کە کەمتر لە هەفتەیەکە سوێندى یاسایى خواردوە و بە فەرمى بووە بە سەرۆکى ئەمریکا دەشڵێت، پێى وانییە کە 17 سیناتۆرى کۆمارییەکان دەنگ بە لێپێچینەوەى ترەمپ بدەن، هەروەها ئەنجومەنى پیرانیش لەچاو خولەکانى پێشوو گۆڕانکاریەکى بەرچاو تێیدا ڕووینەداوە.

 

ڕۆژى دووشەممە ئەنجومەنى نوێنەرانى ئەمریکا لیستى تۆمەتەکانى سەر دۆناڵد ترەمپی پێشکەش کرد، لە دیارترینیان هاندان بۆ هەڵکوتانە سەر تەلارى کۆنگرێس (کاپتۆڵ) لە 6ی کانونی دووەمی 2021 لەکاتیکدا کۆبوونەوەى ئەنجومەنى نوێنەرانى تێدا ئەنجام دەدرا.