گه‌ڕان

Shadow Shadow
سیاسه‌تی

زانیارى زیاتر

بەهۆی هەڕەشەکانەوە گاردی نیشتیمانی واشنتن دەمێنێتەوە

2021.01.26 - 08:40
App store icon Play store icon Play store icon
بەهۆی   هەڕەشەکانەوە  گاردی نیشتیمانی واشنتن دەمێنێتەوە

ناس کورد-

 

بەرسانی وەزارەتی بەرگری ئەمەریکا ڕایانگەیاند، هەزاران سەربازی گاردی نیشتیمانی کە بەمەبەستی پاراستنی ڕێوڕەسمی سوێندخواردنەکەی جۆ بایدن لە واشنتن بڵاوکرانەوە، بەهۆی "هەڕەشەکانەوە " تا ناوەڕاستى مانگی ئازار لە شوێنی خۆیان دەمێننەوە.

 

کەناڵی ناس کورد لە تێلیگرام جۆین بکە   

 

بەرپرسانی وەزارەتی بەرگری ئەمەریکا زانیاری دیاریکراویان سەبارەت بەم هەڕەشانە نەدا، ئاماژەیان بەوەدا زانیارییەکان لە ئۆفیسی دەزگای لێکۆڵینەوەی فیدڕاڵی ئێف بی ئایەوە وەرگیراون، ئەوەش بەپێی دەنگى ئەمریکا.

 

ئاماژە بەوەشکراوە، لە دوای ئەوەی لایەنگرانی سەرۆکی پێشووی ئەمەریکا هەڵیانکوتایە سەر کۆنگرێسی ئەمەریکا، واشنتن هێشتا نیگەرانە لەسەر ئەگەری ڕوودانی کردەوەی توندوتیژی زیاتر.

 

هەڵسوڕێنەری کاروباری وەزیری بەرگری ئەمەریکا جۆن ویتلی رایگەیاند، خۆی و بەرپرسانی دیکە لە مەترسییەکانی کۆمەڵێک بۆنە لە هەفتەکانی داهاتوودا لە واشنتن ئاگادارکراونەتەوە.

 

ڕوونیشی کردەوە بەرپرسانی ناوخۆ نیگەرانن لە ئەگەری خۆپیشاندانان " کە لەوانەیە هەندێک لایەن بۆ کاری تێکدەرانە یاخود کێشەی دیکە بەکاریبهێنن."

 

وتیشی "ئێمە هێزە سەربازییەکانمان لەوپەڕی ئامادەباشیدا دەهێڵینەوە تاوەکو بتوانن وەڵامی ئەم هەڕەشانە بدەنەوە."