گه‌ڕان

Shadow Shadow
سیاسه‌تی

’’پاسەوانەکانى بارزانى و نێچیرڤان’’

پارتى: قاسم سولەیمانى دووجار بەبێ چەک هاتە مەخمور

2021.01.25 - 20:30
App store icon Play store icon Play store icon
پارتى: قاسم سولەیمانى دووجار بەبێ چەک هاتە مەخمور

ناس کورد-

بەرپرسێکى باڵای پارتى ڕایگەیاند، قاسم سلێمانى دووجار چووەتە مەخمور لەکاتى هێرشى داعشدا و هیچ چەکێکى پێ نەبووە و دواى ڕاوێژى سەربازى گەڕاوەتەوە.

کەناڵی ناس کورد لە تێلیگرام جۆین بکە   

 

عەلى حوسێن، بەرپرسی پەیوەندی کوردستانی و عێراقییەکانى پارتى لە چاوپێکەوتنێکدا لەگەڵ تەلەفزیۆنى فەرمى پارتى کە "ناس کورد" بەدواداچوونى بۆ کردووە (25ی کانونی دووەمی 2021) ئاماژەى بەوەکرد، جارى یەکەمی چوونى سولەیمانى لەکاتى هێرشى داعشدا بووە بۆ مەخمور، کە سولەیمانى پێنج بۆ شەش کەسى لەگەڵدا بووە و هیچ چەکێکیان پێ نەبووە، ئەوانەشى پارێزگاریان لێدەکردن لیواى تایبەت بوون و ئۆتۆمبیلى تەشریفاتیشیان پێ بووە و دواى کۆبوونەوەکە گەڕاونەتەوە و 10 کیلۆمەتریش لەبەرەى شەڕ نزیک نەبوونەتەوە.

 

کەناڵی ناس کورد لە تێلیگرام جۆین بکە

 

بەوتەى عەلى حوسێن، "جارەکەى دیکە، رۆژى دووەمى مانەوەى داعش بوو لەناو مەخمور، سولەیمانى بەهەمان تیم هاتەوە و یەک چەکداریشى لەگەڵدا نەبوو، لیواى تایبەت و ئۆتۆمبیلى تەشریفاتیان پێ بووە و لەگەڵ ئەوان کۆبوونەتەوە".

 

دەشڵێت، بە سێ چوار هاوەن هێرشکراوەتە سەر ئەو شوێنە، بۆیە تیمە ئێرانییەکە سوارى ئۆتۆمبیل بوون و رۆیشتونەتەوە. چوار رۆژ دواى ئازادکردنى مەخموریش تیمێکى 10-12 کەسیان هاتونەتەوە و بوونە بە دوو بەشەوە و لە مەرکەز شەبابى مەخمور ماونەتەوە.

 

زیاتر بخوێنەوە: ئێران فیلمێک لەناو سەری ڕەش و لەسەر بارزانی و قاسم سولەیمانی بڵاودەکاتەوە  

زیاتر بخوێنەوە: پارتی وەڵامی فیلمەکەی ئێران لەبارەى بارزانی و قاسم سولەیمانی دەداتەوە  

 

عەلى حوسێن ئەوەشى خستەڕوو، مەسعود بارزانى هێزێکى لە پاسەوانەکانى خۆى و نێچیرڤان بارزانى ناردووە بەمەبەستى شەڕکردن دژى داعش لە مەخمور.

 

لەرۆژى گرتنى مەخمور کەس هاریکارى پێشمەرگەى نەکرد و شەڕەکە راستەوخۆ لەلایەن مەسعود بارزانى یەوە سەرپەرشتى دەکرا.

 

قسەکانى ئەو بەرپرسەى پارتى لەچوارچێوەى کاردانەوەکانى ئەو حزبەدا بەرانبەر ئەو فیلمە ئێرانییەى کە لەچەند رۆژى رابردوودا بڵاوکرایەوە کە تێیدا باس لە داواکارى مەسعود بارزانى دەکات لە قاسم سولەیمانى بۆ پشتیوانى پێشمەرگە دژى داعش و رێگرى لە کەوتنى هەولێر.