گه‌ڕان

Shadow Shadow
سیاسه‌تی

لابراوە لەپاش تەقینەوەكان

لەسەر بڕیارێك گروپە ئێرانییەكان لەگەڵ كازمیدا كەوتوونەتە كێشەوە

2021.01.25 - 15:15
App store icon Play store icon Play store icon
لەسەر بڕیارێك گروپە ئێرانییەكان لەگەڵ كازمیدا كەوتوونەتە كێشەوە

ناس كورد_

رۆژنامەی ئەلعەرەبی چاپی لەندەن بڵاویكردەوە هێزە عێراقییەكانی شوێنكەوتەی ئێران هەڕەشەی ئەوە دەكەن ئەگەر سەرۆك وەزیران ئەبو عەلی بەسری نەگێڕێتەوە پەنا بۆ هەوڵی لێپرسینەوە و متمانە لێوەرگرتنەوەی ببەن، بەڵام ئەم هەوڵە لەلایەن هێزە شیعەكانیتری وەك سەدر و حیكمە و ڕەوتەكەی عەبادییەوە پشتیوانی لێ ناكرێت. 

کەناڵی ناس کورد لە تێلیگرام جۆین بکە   

 

راپۆرتێكی رۆژنامەكە ئەمڕۆ ( 25 كانونی دووەمی 2021) كە "ناس كورد" بەدواداچوونی بۆ كردووە، باس لەوە دەكات بڕیاری مستەفا كازمی سەرۆك وەزیران بۆ لادانی ئەبو عەلی بەسری لەسەرۆكایەتی "شانەی هەڵۆكان" ی وەزارەتی ناوخۆ كە ساڵانێكە لەو پۆستەدایە هێزە چەكدارە شیعە نزیكەكانی ئێرانی توڕە كردووە.

 

ئەلعەرەب باسی لەوەشكردووە، بەسری بێ ئەوەی هیچ پلەیەكی سەربازیی پرۆفێشناڵی هەبێت و هیچ بڕوانامەیەكی هەبێت، ساڵانێكە كراوەتە بەرپرسی شانەی هەواڵگری وەزارەتی ناوخۆ لەبەر ئەوەی سەركردەیەكی فەیلەقی بەدر بووە و پەیوەندییەكی بتەوی لەگەڵ سوپای پاسدارانی ئێرانی هەیە، سەرجەم كابینەكانی پێشووش نەیانتوانیوە رێكاری بەرامبەر بگرنە بەر و بەمدواییانەش پالێوراو بووە بۆ جێگرتنەوەی ئەبو مەهدی موهەندیس.

 

رۆژنامەكە ئەوەش دەخاتەڕوو لەپاش تەقینەوەكانی ئەمدواییەی بابو شەرجی كە 32 كوژراو و 110 برینداری لێ كەوتەوە، ئەبو عەلی بەسری بووە یەكەم ئامانجی كازمی و بەر دوورخستنەوە لە پۆستەكەی كەوت، ئەمەش بە تەحەدایەكی گەورە بۆ نفوزی ئێرانی لەقەڵەم دەدرێت لە عێراق و هەراسانكردنی زۆریشی بۆ هێزە چەكدارەكانی شوێنكەوتەی تاران تێدایە چونكە باوەڕ وەهابە ئەبو عەلی بەسری پردی پەیوەندی بێت.

a5.jpg?vEl5mQkhrT_gjeK22rVQWotxJsAGJ1gS

ئەبو عەلی ئەلبەسری 

كازمی جگە لە گۆڕینی فەرماندەی "شانەی هەڵۆكان" فرمانیكرد ئەم گروپەش پەیوەست بكرێت بە ئۆفیسی فەرماندەی گشتی هێزە چەكدارەكان كە بەدەست سەرۆك وەزیرانەوەیە، ئەمەش بووەتەهۆی دروستبوونی پەرچەكرداری زۆر لەلایەن لایەنگرانی ئێرانەوە و سەرچاوەكان ئاماژە بۆ ئەوە دەكەن نوری مالیكی و هادی عامر لە رێگەی نێوانگرەوە لەهەوڵدان بۆ ئەوەی ناوبراو بگەرێننەوە بۆ وەزارەتی ناوخۆ، بەڵام باوەڕ وەهایە سەدر و حەكیم و عەبادی پاڵپشتی لەهەنگاوی سەرۆك وەزیران بكەن.

 

me_ga.php?id=12073