گه‌ڕان

Shadow Shadow
سیاسه‌تی

نوسراوێک بۆ مستەفا کازمی

بەشیر حەداد نوسراوێکی ئاڕاستەی مستەفا کازمی کرد

2021.01.25 - 08:46
App store icon Play store icon Play store icon
بەشیر حەداد نوسراوێکی ئاڕاستەی مستەفا کازمی کرد

ناس کورد-

د.بەشیر حەداد، جێگری سەرۆکی پەرلەمانی عێڕاق له نوسراوێکدا كه ئاراستەی سەرۆک وەزیرانی عێراقی كردووه، داوا دەکات هۆکاری خەرج نەکردنی شایستە داراییەکانی جوتیاران تا ئێستا روون بکاتەوە.

کەناڵی ناس کورد لە تێلیگرام جۆین بکە   

 

نوسینگەی ڕاگەیاندنی د. بەشیر حەداد، بڵاویکردووەتەوە، رۆژی شەممەی ڕابردوو، جێگری سەرۆکی پەرلەمانی عێراق، نوسراوێکى ئاراستەی مستەفا کازمی سەرۆکی ئەنجومەنی وەزیرانی عێراقی فیدراڵ کردووە و تیایدا داوایکردووە، شایستە داراییەکانی جوتیارانی هەرێمی کوردستان خەرج بکات.

 

لە نووسراوەکەدا، جێگری سەرۆکی پەرلەمانی عێراق ئاماژەی بەوە کردوە، لە ساڵانی رابردوودا بە تایبەت ساڵی 2019، چەندین جار نووسراویان ئاراستەی مستەفا کازمی، سەرۆکی ئەنجومەنی وەزیرانی حکومەتی فیدراڵ کردووە، تاوەکو شایستە داراییەکانی جوتیاران خەرج بکات، بەڵام تاوەکو ئێستاش هیچ وەڵامێکیان لە لایەن حکومەتەوە، وەرنەگرتووە.

 

د. بەشیر حەداد، ئەوەشی خستووەتەڕوو، وەڵام نەدانەوەی نووسراوەکانی پەرلەمانی عێراق، لەلایەن حکومەتەوە، پشێلکردنی ماددەی (61/حەوت/ا)ى دەستووری عێراق و ماددەی 15ى یاسای ئەنجومەنی نوێنەرانی عێراق و گوێ نەدانه به ڕۆڵى پەرلەمان و کەمتەرخەمیکردنە بەرانبەر بە کار و داخوازییەکانی هاووڵاتیانی عێراقی.

 

لە نووسراوەکەدا، جێگری سەرۆکی پەرلەمانی عێراق داوای کردووە، زۆر بەخێرایی وەڵامی داواکاری جووتیارانی هەرێمی کوردستان و پارێزگاکانی دیکەی عێراق بدرێتەوە و بەزووترین کات شایستە داراییەکانیان بۆ خەرج بکرێت و هۆکاری راگرتن و پێنەدانی شایستە داراییەکانی جوتیاران بۆ پەرلەمان روون بکرێتەوە.