گه‌ڕان

Shadow Shadow
سیاسه‌تی

’’درۆ و سوکایەتی’’

پارتی وەڵامی فیلمەکەی ئێران لەبارەى بارزانی و قاسم سولەیمانی دەداتەوە

2021.01.22 - 22:26
App store icon Play store icon Play store icon
پارتی وەڵامی فیلمەکەی ئێران لەبارەى بارزانی و قاسم سولەیمانی دەداتەوە

ناس کورد-

چەند بەرپرسێکی پارتی وەڵامی ئەو کورتە فیلمەی ئێران دەدەنەوە کە تێیدا باس لە هاوکاری قاسم سولەیمانی بۆ مەسعود بارزانی و هەرێمی کوردستان دەکات لە سەروبەرندی نزیکبوونەوەى داعش لە هەولێر و ناوەڕۆکی فیلمەکە بە "درۆ و بوهتان" ناو دەبەن.

کەناڵی ناس کورد لە تێلیگرام جۆین بکە   

 

کورتە فیلمەکە کە ئەمڕۆ لە لایەن میدیاکانی ئێرانەوە بڵاوکراوەتەوە ناوی "توکل"ـە، لە سەرەتای کورتە فیلمەکەدا ئەو کەسەی کە ڕۆڵی مەسعود بارزانی دەگێڕێت هەوڵ دەدات پەیوەندی بە وڵاتانەوە بکات بەڵام هیچ وڵاتێکی ئامادە نییە وەڵامی بداتەوە و هاوکاری بکات، لە فیلمەکەدا "بارزانی لەسەری ڕەشە و زۆر توڕەیە و دەترسێت داعش بێنە ناو هەولێر."  

 

زیاتر بخوێنەوە: ئێران فیلمێک لەناو سەری ڕەش و لەسەر بارزانی و قاسم سولەیمانی بڵاودەکاتەوە

 

عەلی عەونی، ئەندامی سەرکردایەتی پارتی لە نوسینێکیدا بە زمانی فارسی و لەژێر ناوی "درۆ و مێژوو و فارس" کە فەیسبوکی خۆی بڵاوی کردووەتەوە و "ناس کورد" بەدواداچوونی بۆ کردووە دەڵێت، "ترسنۆکەکان هەمیشە بۆ شاردنەوەی هەڵەکانیان، پەنا بۆ درۆ و وەسف و پیاهەڵدانی خۆیان دەبەن، ئەوە دووەمین جارە کە ئێرانییەکان بە هاوکاری چەند کوردێکی بەدبەخت فیلم لەسەر هەرێمی کوردستان و کەسایەتی سەرۆک مەسعود بارزانی دروست دەکەن."

 

کەناڵی ناس کورد لە تێلیگرام جۆین بکە  

 

عەلی عەونی دەشڵێت، "زۆر لایەن هاوکاری هەرێمی کوردستانیان کردووە بەڵام هیچکامیان هاوکارییەکانیان بۆ سوکایەتیکردنی هەرێمی کوردستان بەکارنەهێناوە."

 

عەونی لە نوسینەکەیدا بە چەند خاڵێک پرسیار دەکات و دەڵێت، "هەولێر تائێستا نە لە هێرشی هۆلاکۆ، نە لە هێرشی داعش و نە لە هێرشی ئەبومەهدی و حەشدی شەعبی گەمارۆ نەدراوە تاوەکو قاسم سولەیمانی بێت ئازادی بکات."

دەشڵێت، "ئەگەر بە ڕاستی قاسم سولەیمانی بە شەش بەسیجییەوە (سەربازی سوپای پاسداران) توانیویەتی داعش بشکێنێت، ئەى چۆن بە 150 هەزار کەسی شیعی ئێرانی و ئەفغانی و پاکستانی و لوبنانی و 15 هەزار سەربازی عەلەوی سوریە نەیتوانی داعش لە سوریای بشکێنێت؟!"

 

باسی لەوەشکردووە، "باشە ئەگەر کارەکە ئەوەندە ئاسان بووە، ئەی هێزەکانی هاوپەیمانی ئەوروپی و ئەمریکایی چییان کردووە و ڕۆڵیان چی بووە؟!"

 

هاوکات پێشەوا هەورامانی، وتەبێژی فراکسیۆنی پارتی لە نوسینێکیدا لە فەیسبوکی خۆی کە "ناس کورد" بەدواداچوونی بۆ کردووە دەڵێت، "بارزانی تەنها لە ژورەکەی خۆی دانیشێت و هیچیش نەڵێت، ئەوان سڵی لێ دەکەنەوە و دەیان هەزار دۆلار لە ڤیدیۆ و پڕوپاگەندە و بانگەشەیەک خەرج دەکەن کە ئامانجەکەی لێدانە لەمێژووی بارزانی."

 

پێشەوا هەوارامانی دەشڵێت، "ئەوان دەزانن ناوی کێ دەهێنن، چونکە خۆیان باش لێیان ڕوونە  کێ لەبەرانبەر چاوچنۆکی ئەوان کۆسپە،  مێژووی بارزانی و خەباتی بارزان سەد داستانی ملنەدان و تەسلیم نەبوونی تێدایە بە دوژمنی زۆر گەورەو بەهێز، ئەوەتا بارزانی تەنها لە ژوورەکەی خۆی دانیشێت و هیچیش نەڵێت، ئەوان سڵی لێدەکەنەوەو دەیان هەزار دۆلار لەڤیدیۆو پڕوپاگەندەو بانگەشەیەک خەرج دەکەن کە ئامانجەکەی لێدانە لەمێژووی بارزانی."

باسی لەوەشکردووە کە "ئەوانەی هەرێمێکی لاواز و برسیکراو و گەمارۆدراو و پەرتەوازەیان دەوێت، سەدان ڕێگەی بچووککردنەوەی ئەم هەرێمەیان تاقیکردۆتەوە، بژاردەی هێرشی سەربازی  دەستی بۆ بردرا، خۆیان باش دەزانن لەپردێ و سحێلا کێی ڕایگرتن و بیری خستنەوە تا لەم خاکەدا هزرو ڕێبازو فەلسەفەی بارزان زیندوو بێت خەونی ئەوان هەر خەون دەمێنێتەوە."



هاوکات زکری موسا، ڕاوێژکاری میدیایی مەسعود بارزانی لە فەیسبوکی خۆی کە "ناس کورد" بەدواداچوونی بۆ کردووە دەڵێت، "کۆمپانیای (مصیر)ـی ئێرانی بە یارمەتیی هەندێ کوردی بەدبەخت و خۆ بە بچووکزان و بە هاوکاری تەلەفزیۆنی فەرمیی ئێران و سوپای پاسداران لەبارەی ڕۆڵی قاسم سلێمانی لە شەڕی داعش فیلمێکی دروست کردووە کە پڕیەتی لە بابەتی ناڕاست و چەواشە و تەحقیری پێشمەرگە و گەلی کوردستان."

 

دەشڵێت، "ئامانج لەو جۆرە فیلمانە تەحریفی تاریخ و نەهێشتنی قارەمانێتیی پێشمەرگەیە لە زەینی خەڵکی ناوچەکە."

 

زکری موسا باسی لەوەشکردووە کە "ئێرانییەکان حەقی خۆیانە هەتا دەتوانن مەدحی قاسم سلێمانی بکەن بەڵام بۆچی ئەوە دەبێ لەسەر حیسابی گەلی کوردستان و سووکایەتیکردن بێت بە کورد؟ پێشمەرگە لە شەڕی داعشدا 2000 شەهیدی دا و دوازدە هەزار بریندار."