گه‌ڕان

Shadow Shadow
سیاسه‌تی

لیژنەی دارایی وادەی پەسەندکردنی بودجەی ئاشکرا کرد

2021.01.22 - 20:31
App store icon Play store icon Play store icon
لیژنەی دارایی وادەی پەسەندکردنی بودجەی ئاشکرا کرد

ناس کورد-

لیژنەی دارایی پەرلەمانی عێراق ڕایگەیاند، لە ماوەی هەفتەیەک بۆ دوو هەفتەی داهاتوو دەنگ لەسەر پڕۆژەیاسای بودجەی ساڵی 2021 دەدرێت.

کەناڵی ناس کورد لە تێلیگرام جۆین بکە   

 

ئەحمەد حەمە، ئەندامی لیژنەی دارایی لە لێدوانێکیدا بۆ ئاژانسی فەرمی عێراقییە کە "ناس کورد" بەدواداچوونی بۆ کردووە (22ی کانونی دووەمی 2021) دەڵێت، لیژنەیە بە وردی خوێندنەوە و شیکاری بۆ بڕگەکانی پڕۆژەیاسای بودجە کردووە و ڕێککەوتن لەسەر زانیاری و شایستە داراییەکان سەرجەم وەزارەت و دەستە و پارێزگاکان دەکرێت."

 

کەناڵی ناس کورد لە تێلیگرام جۆین بکە  

 

دەشڵێت، "لیژنەی دارایی گەیشتووەتە قۆناغی کۆتایی تاوەکو پڕۆژەیاساکە بەرزبکاتەوە بۆ پەرلەمان تاوەکو دەنگی لەسەر بدات" و جەخت دەکاتەوە کە "لەماوەى هەفتەیەک بۆ دوو هەفتە، لیژنەکەیان دەنگ لەسەر بودجە دەدات."

 

ئەحمەد حەمە ئاشکراشی کرد کە "لیژنەکە لەئێستادا خوێندنەوە بۆ سەرجەم بڕگەکانی لە یەکەمەوە بۆ 58مین دەکات، هەروەها تاوتوێی بودجەی پارێزگاکان کراوە، هەرچەندە ئەنجومەنی پارێزگاکان هەڵوەشێنراونەتەوە بەپێی یاسا، بەڵام میکانیزمێک دۆزراوەتەوە تاوەکو بودجەی ئەو پارێزگاکان خەرج بکرێت بۆ جێبەجێکردنی پڕۆژەکان."

 

ئەو ئەندامەی لیژنەی دارایی باسی لەوەشکردووە کە "لیژنەکەیان گفتوگۆی لەسەر بابەتی گرێبەستەکان نەکردووە بەڵام خوێندنەوەی بۆ کردووە و بانگهێشتی وەزیری دارایی دەکەن بۆ ئەو مەبەستە."