گه‌ڕان

Shadow Shadow
سیاسه‌تی

وردەکاریی

عێراق ’’هەنگاوێکى بێپێشینە’’ لەکەرتى نەوتدا دەنێت

2021.01.22 - 13:37
App store icon Play store icon Play store icon
عێراق ’’هەنگاوێکى بێپێشینە’’ لەکەرتى نەوتدا دەنێت

ناس کورد-

 

عێراق لە هەنگاوێکى بێپێشینەدا هەناردەى نەوتى بۆ هندستان کەمکردووەتەوە، وەک پابەندبوون بە رێککەوتنەکەى ئۆپیکەوە، ئەوەش بەپێی ئاژانسى رۆیتەرز.

 

کەناڵی ناس کورد لە تێلیگرام جۆین بکە   

 

بەپێی راپۆرتێکى ئاژانسەکە (22ى کانوونى دووەمى 2021) کە "ناس کورد" بەدواداچوونى بۆ کردووە، بەپێى چەند زانياريەك لە سەرچاوە عێراقيەكانەوە كە لايەنە فەرمييەكان جەختيان لێنەكردوەتەوە، عێراق هەناردەى نەوتى خاوى بەسرەى بۆ پاڵاوگە هنديەكان بە ڕێژەى 20% دابەزاندووە لەساڵى 2021، ئەوەش لە هەنگاوێكى دەگمەندا لەلايەن دووەم گەورەترين هەناردەكارى نەوتى ڕێكخراوى ئۆپیك، وەك پابەندبونێك بۆ ڕێكەوتنى ڕێكخراوەكەوە.

 

ڕونيشكراوەتەوە، ئەمەش لەكاتێكدايە عێراق گەورەترين هەناردەكارى نەوت بوو بۆ هندستان لەساڵى 2020دا، دابەزاندنى بڕى هەناردەش بۆ ئەو وڵاتە بۆ ماوەيەكى درێژ پشكى عێراق لە بازاڕى نەوتدا بۆ هند كە سێيەم گەورەترين بەكاربەرى نەوتە لە جيهاندا كەمدەكاتەوە.

 

لە ڕاپۆرتەكەدا هاتووە، بەپێى سەرچاوەيەكى تر عێراق لە 2021دا بە ڕێژەى 10% بۆ 20% هەناردەى بۆ پاڵاوگەكانى هندستان كەمكردوەتەوە و لەو بارەيەشەوە كۆمپانياى سۆمۆى تايبەت بە بازاڕكردنى نەوتى عێراق ئامادە نەبووە لێدوان بدات.

 

سەرچاوەكە كە ديارە لە هندستانەوەيە بە ئاژانسەكەى وتووە، پێشبينى ئەوەيان نەكردوە عێراق بەو ڕێژەيە هەناردە كەمبكاتەوە، بۆيە ناچارن پەنا بۆ شوێنگرەوە و بازاڕى خێرا ببەن، ئەوەش لەكاتێكدا هەوڵى زياتر خستنەوەگەڕى پاڵاوتگەكان دەدەين دواى زيادبونى خواست لەسەر سوتەمەنى.

 

ڕۆيتەرز لە زارى سەرچاوەيەكى ترەوە ئەوەى بڵاوكردوەتەوە، كۆمپانياى سۆمۆ پاڵاوگە هنديەكانى ئاگادار كردوەتەوە لەوەى كە بڕى نەوتى سەرجەم كڕيارە ئاسياييەكانى كەمدەكاتەوە، ئەوەش وەك قەرەبووى ئەو زيادەيەى لەساڵى 2020 هەناردەى كردووە.

 

پێشتريش هندستان نيگەرانى خۆى لە كەمكردنەوەى بڕى نەوتى هەندێك لە ئەندامانى ئۆپیک پيشاندابوو، چونكە بەهۆى ئەوەوە نادڵنيايى دروستبووە و بووەتە هۆى بەرزبونەوەى نرخى سوتەمەنى، عێراقيش هەناردەى بۆ پاڵاوتگەكانى كۆمپانياى ئينديان كە گەورەترين كڕيارى عێراقە و مانگالۆر چەند پاڵاوگەيەكى تر كەمكردنەوە و بەنيازى ئەوەشە بۆ چەند پاڵاوگەيەكى ترى وەك بەهارات پترۆڵيۆم كەمبكاتەوە.