گه‌ڕان

Shadow Shadow
سیاسه‌تی

عێراق کۆنتڕۆڵکردنی ڤایرۆسی ئەنفلۆنزای باڵندەی ڕاگەیاند

2021.01.19 - 20:10
App store icon Play store icon Play store icon
عێراق کۆنتڕۆڵکردنی ڤایرۆسی ئەنفلۆنزای باڵندەی ڕاگەیاند

ناس کورد-

وەزارەتی کشتوکاڵی عێراق ڕایگەیاند، ناوەندی بڵاوبوونەوەى ڤایرۆسی ئەنفلۆنزای باڵندە سامەڕا بووە و بە تەواوەتی کۆنتڕۆڵ کراوە.

کەناڵی ناس کورد لە تێلیگرام جۆین بکە   

 

محەمەد نایف، وتەبێژى وەزارەتى کشتوکاڵی عێراق لە ڕاگەیەنراوێکدا کە کۆپییەکی بۆ ناس کورد نێردراوە (19ی کانونی دووەمی 20221) بڵاویکردوەتەوە، ناوەندى ئەنفلۆنزاى باڵندە کە سامەڕا بووە بە تەواوەتى کۆنترۆڵ کراوە، ئەوەش لە ڕێگەى ڕێوشوێنى گونجاو وەک کەرەنتین بە درێژایى سێ کیلۆمەتر و لەناوبردنى هەزاران مریشکى توشبوو و پاکژى هۆڵەکان، ئەوەش سەرەڕاى چاودێرى و بەدواداچونى بەردەوام.

 

هێماى بۆ ئەوەشکرد، ژمارەیەکى زۆر هێلکە و مریشک لە پارێزگاکە هەن کە پاکن و دورن لە ناوچەى بڵاوبوونەوەى پەتاکە و دەتوانرێت بە بڕوانامەى پشکنینى فێرتێرنەرى بە پارێزگاکانى تر بفرۆشرێن، ئەوەش لەپێناو زیان نەگەیشتن بە بەرهەمهێنەران و پێویستیان بەوەیە ئەو بەرهەمە بە بازاڕ بکرێن، هەرەوەها ئەو جۆرەى ئەنفلۆنزاکە کە H5N5 بۆ مرۆڤ ناگوازرێتەوە.

 

وتەبێژى وەزارەتى کشتوکاڵى عێراق داواش لە فەرماندەیی ئۆپراسیۆنەکان و دەزگا ئەمنیەکان دەکات ئاسانکارى بکەن بۆ گواستنەوەى ئەو بەرهەمانە بە بڕوانامەى پشکنینى ڤێرتێنەرى، وەزارەتى تەندروستیش ڕێگرى نەکردوە لە گواستنەوەى ئەو بەرهەمە چونکە پەتاکە بەتەواوەتى کۆنترۆڵ کراوە.