گه‌ڕان

Shadow Shadow
سیاسه‌تی

تایبەت

ڕوونکردنەوەیەکى فەرمى لەبارەى گرانبوونی هێڵەکانی ئینتەرنێت و مۆبایل

2021.01.18 - 16:52
App store icon Play store icon Play store icon
ڕوونکردنەوەیەکى فەرمى لەبارەى گرانبوونی هێڵەکانی ئینتەرنێت و مۆبایل

ناس کورد-

وەزارەتی گواستنەوە و گەیاندن لەبارەی گرانبوونی نرخی هێڵەکانی پەیوەندی ئینتەرنێت دڵنیایی دەداتە هاوڵاتیان و داوا دەکات لەکاتی هەر زیادبوونێک لە نرخەکان ئاگادار بکرێنەوە.

کەناڵی ناس کورد لە تێلیگرام جۆین بکە   

 

دیلان رەشاد، وتەبێژی وەزارەتەکە گلە لێدوانێکی تایبەت بۆ "ناس کورد" (18ی کانونی دووەمی 2021) رایگەیاند "بەوردی چاودێری نرخی هێڵەکانی پەیوەندی و ئینتەرنێت دەکەین و تا ئێستاش هیچ بەرزبوونەوەیەک نییە، هێڵەکانی پەیوەندی (ئاسیاسێڵ و کۆڕەک تیلیکۆم)یش ڕونکردنەوەیانداوە و دڵنییانداوە لە بارەی جێگیری نرخەکانیان".

 

کەناڵی ناس کورد لە تێلیگرام جۆین بکە

 

وتەبێژەکەی وەزارەتی گواستنەوە و گەیاندن داواشیکرد "هەر هاوڵاتییەک زانیاری هەبوو لەسەر گرانبوونی نرخی کارتی پەیوەندی یاخود هێڵەکانی ئینتەرنێت بە زووترین کات ئاگاداریان بکەنەوە تاوەکو بەدواداچوون بکەن و ڕێکاری یاسایی بگرنەبەر و ڕێگری بکەن.

 

لەدواى دەرکردنى بڕیارى سەپاندنى باج لەلایەن حکومەتى هەرێمەوە لەسەر کۆمپانیاکانى ئینتەرنێت و پەیوەندى، دەنگۆى بەرزبوونەوەى نرخى خزمەتگوزاریی ئەو کۆمپانیایانە هاتووەتە ئارا.

 

بەپێی بڕیارەکان کە ( 11ی کانوونی دووەمی 2021) دەرکران، کۆمپانیاکانى بوارى ئینتەرنێت پابەند دەکرێن بە پێدانى باجى فرۆشراوەکان بەڕێژەى 20%. هەروەها کۆمپانیاکانى بوارى پەیوەندى پابەند دەکرێن بە پێدانى باجى فرۆشراوەکان بەبێ ئەوەى رێژەکەى دیاریکرابێت.  

 

زیاد جەبار، سەرۆکی لیژنەی دارایی پەرلەمانی کوردستان ( 11ی کانوونی دووەمی 2021) تایبەت بە "ناس کورد"ڕاگەیاند، "لە لایەن حکومەتەوە دڵنیاکراوینەتەوە کە سەپاندنی باج بەسەر کۆمپانیاکانی کۆڕەک و ئاسیاسێڵ بەهیچ شێوەیەک کاریگەری نابێت لە سەر بەرزبوونەوەی نرخی کارتی پڕکردنەوە".  

  

وتیشی، "نابێت سەپاندنی باج ببێتە هۆکاری بارگرانی زیاتر بۆ سەر شانی هاوڵاتیانی هەرێمی کوردستان، هەموو کارێک لەچوارچێوەی یاساکاندا بکرێت پشتگیری لێی دەکەین بە پێچەوانەوە دژی ڕادەوەستینەوە".