گه‌ڕان

Shadow Shadow
سیاسه‌تی

وردەکاریى

ئەندامێکى خانەى راپەڕاندنى گۆڕان دەستى لەکار کێشایەوە

2021.01.17 - 20:13
App store icon Play store icon Play store icon
ئەندامێکى خانەى راپەڕاندنى گۆڕان دەستى لەکار کێشایەوە

ناس کورد-

عەدنان عوسمان ئەندامى خانەى راپەڕاندنى بزوتنەوەى گۆڕان دەستى لەکارکێشایەوە و هۆکارەکەشى بۆ "نەبوونى هیچ پڕۆژە و پێشنیازێک" لەناو بزوتنەوەکە گێڕایەوە.

 

کەناڵی ناس کورد لە تێلیگرام جۆین بکە   

 

عەدنان عوسمان لە نامەى دەستلەکارکێشانەوەیدا کە کۆپیەکى دەست "ناس کورد" کەوتووە ئاماژەى بەوەکردووە، "دواى ساڵێک لە کارکردن هیچ هەنگاوێکى گەورە نەنراوە و نانرێت، گۆڕان لە حاڵەتێکى متبوونى ترسناکدایە".

 

ئاماژەى بەوەشکردووە، "لە ئێستادا جگە لە کات بەرێکردن هیچ ئاسۆیەکى تر لە کارى خانەى راپەڕاندن نابینم، ئەو هیوایەى بەشێکى بەرچاوى هەڵسوڕاوان هەیان بووە وا خەریکە دەبێتە سەراب".

 

عەدنان عوسمان کە هاوکات وتەبێژى گۆڕان بوو لە 14ى ئەیلولى 2020دا نامەى دەستلەکارکێشانەوەى پێشکەشکرد، بەڵام وەک خۆى دەڵێت "بەهۆى فشارى دڵسۆزان و بەڵێنى هەندێ هەنگاو" ناچارکراوە دان بەخۆیدا بگرێت، بەڵام ئێستا بڕیاریداوە دەستلەکاربکێشێتەوە.

 

دەستلەکارکێشانەوەى عەدنان عوسمان دواى سێ رۆژ دێت لە دەربڕینى ناڕەزایی ژمارەیەک هەڵسوڕاوى گۆڕان لەبەردەم مەکۆى سەرەکى بزوتنەوەکە لە گردى زەرگەتەى سلێمانى دژى سیاسەتەکانى ئێستاى گۆڕان.

 

عەدنان عوسمان ئەوکات دەستخۆشى لەو هەڵسوڕاوانە کرد و بە "زەحمەتکێش" ناوی بردن و بەیاننامەى ناڕەزایی هەڵسوڕاوەکانى لەلاپەڕەى خۆى لە فەیسبوک بڵاوکردەوە.