گه‌ڕان

Shadow Shadow
سیاسه‌تی

لەبارەی بوونی منداڵی خوار تەمەن 18 ساڵ لە ڕێزەکانی هەسەدە ڕوونکردنەوە دەدرێت

2021.01.16 - 23:12
App store icon Play store icon Play store icon
لەبارەی بوونی منداڵی خوار تەمەن 18 ساڵ لە ڕێزەکانی هەسەدە ڕوونکردنەوە دەدرێت

 ناس کورد-

وتەبێژی فەرمی یەکینەکانی پاراستنی گەل (یەپەگە) ڕایگەیاند، ئەو بانگەشانەی کە هەندێک لایەن بڵاوی دەکەنەوە و دەڵێن، هەسەدە منداڵی خوار 18 ساڵ بەشداری ڕیزەکانیان دەکەن، درۆیە و ئەوان بەپێی پرۆتۆکۆلی نەتەوە یەکگرتووەکان کە ئیمزای کردووە، دەجوولێتەوە.

کەناڵی ناس کورد لە تێلیگرام جۆین بکە   

 

نوری مەحمود، وتەبێژی فەرمی یەپەگە (شەممە 16ی کانوونی دووەمی 2021) لە لێدوانێکدا بۆ ئاژانسی "ANF" ڕایگەیاند، " هێزە سەربازیەکانی ڕۆژئاوای کوردستان و باکوور و ڕۆژهەڵاتی سوریا، ڕێگا نادەن منداڵان بەشداری بکەن و لە سیستم و گرێبەستەکانماندا منداڵانی خوار تەمەن ١٨ ساڵ قبوڵ ناکرێن."

 

ئاماژەی بەوەشکردووە، " ئەو منداڵانەی دێنە لای ئێمە، ئێمە ئاڕاستەی بەڕێوەبەرایەتی خۆسەریان دەکەین و ئەوانیش بەپێی بارودۆخی گونجاو، پەروەردەیان دەکەن."

 

نووری مەحمود باسی لەوەشکردووە، لایەنەکانی وابەستەی ناوەندەکانی شەڕی تایبەت، پرسی منداڵان بەکاردەهێنن و ئەو پرسە بۆ ڕەشکردنی بەها و پرەنسیپەکانی شۆرش و سیستمی دیموکراتیکی ڕۆژئاوای کوردستان و باکوور و ڕۆژهەڵاتی سوریا بەکار دەهێنرێت."

 

جەختیشیکردووەتەوە، ئەو لایەنانە دەیانەوێت دەستکەوتەکان کە بە خوێنی 11 هەزار شەهید و زیاتر لە 22 هەزار بریندار بەدەست هاتووە، ڕەش بکەن، ئەو لایەنانە نەک بە تەنها پرسی منداڵان بۆ هێرش و ڕەشکردن بەکاردەهێنن، هەروەها پرسی گەنجانیش بەکاردەهێنن، بۆئەوەی بکەونە ژێر کاریگەری سیاسەتەکانیان. وەک بڵاوکردنەوەی مادەی هوشبەر و کاری نائەخلاقی کە بەتایبەتی دەوڵەتی داگیرکەری تورک ئەنجامی دەدات.

 

ئاماژەی بەوەشكردووە، پێویستە هەموو کەسێک بە تایبەتی خانەوادەکان بەرپرسیاری خۆیان جێبەجێ بکەن و منداڵەکانیان بە شێوەیەکی تەندروست و بەپێی بەها و پرەنسیپەکانی شۆرش و فیداکاری پەروەردە بکەن، لەبەرئەوەی هەرێمەکە لەناو قۆناغێکی مێژووییدایە.

 

هەسەدە لە تەموزی 2019دا لەگەڵ نوێنەری تایبەتی سکرتێری گشتی نەتەوە یەکگرتووەکان بۆ کاروباری منداڵان و شەڕی چەکدار، رێککەوتنێکی هاوبەشی ئیمزا کرد، بۆ ئەوەی منداڵانی هەرێمەکانی سەر بە خۆسەری دیموکراتی بپارێزرێن.