گه‌ڕان

Shadow Shadow
چیرۆكه‌كانمان

نۆ چەکداری حەشدی شەعبی کوژران

وردەکاری ڕووداوی بۆسەی داعش بۆ چەكدارانی حەشدی شەعبی

2019.03.07 - 11:52
وردەکاری ڕووداوی  بۆسەی داعش بۆ چەكدارانی حەشدی شەعبی

 

ناس کورد- هەڤاڵ فەتاح

لە ناوچەیەکی نزیک مەخمور لە بۆسەیەکی داعشدا 9 چەکداری حەشدی شەعبی کوژران، بەهۆی پێشوازی نەکردنیان لە لایەن نەخۆشخانەی مەخمورەوە بەشێک لە بریندارەکان گیانیان لە دەستداوە.

 

ڕەشاد گەڵاڵی بەرپرسی كۆمیتەی یەكیتی نیشتمانی كوردستان لە مەخمور بە ناس كورد-ی ڕاگەیاند: "شەوی چوارشەممە لە سەر پێنجشەممە لە دوای كاتژمێر10، سێ‌ ئۆتۆمبیلی گواستنەوەی سەرنشین لە جۆری پاس، کە چەكدارانی حەشدی شەعبی تیادا بووە، لە موسڵەوە گەڕاونەتەوە بەمۆلەت، خەڵكی شاری دوزخورماتوون وسەرجەمیان توركمانن، لە كاتی تیپەربوونیان بە ناوچەی مەخموردا، لە نزیک گوندی کەلەشخانی سەر بە قەراج تووشی بۆسەی داعش دەبن".

 

لە ئەنجامی ئەو ڕووداوە 9 چەكداری حەشدی شەعبی كوژراون و ژمارەی بریندارانیش زیاتر لە 20 چەكدارە، مردنی بەشێک لە بریندارەکانێش بۆ ئەوە دەگەڕێنرێتەوە، کە بنكەی تەندروستی مەخمور توانای پێشوازی كردنیان نەبووە لە نە بریندارەکان، بۆیە ناچاربوونە بیانگوازنەوە بۆ بارەگای فیرقەی 14ی سوپای عیراق لە ناو شاری مەخمور .