گه‌ڕان

Shadow Shadow
سیاسه‌تی

وردەکاریى

راگەیەندراوى وەزارەتی کارەبا لەبارەى لێخۆشبوونى قەرزى کارەبا 

2021.01.14 - 11:33
App store icon Play store icon Play store icon
راگەیەندراوى وەزارەتی کارەبا لەبارەى لێخۆشبوونى قەرزى کارەبا 

ناس کورد-

وەزارەتی کارەبا بڕیاری لێخۆشبوونی قەرزی کارەبای تاوەکو مانگی ئازارى ئەمساڵ درێژکردەوە و بڕی لێخۆشبوونەکەش بەپێی مانگەکان کەمدەکرێتەوە.

 

کەناڵی ناس کورد لە تێلیگرام جۆین بکە   

وەزارەتی کارەبای حکومەتی هەرێمی کوردستان (پێنجشەممە، 14ی کانونی دووەمی 2021) لە ڕاگەیەندراوێکدا کە وێنەیەکى دەست "ناس کورد" کەوتووە ئاماژەى بەوە کرد، لەبەر بەرژەوەندی گشتی و بەمەبەستی زیادكردنی داهات بۆ گەنجینەی حكومەتی هەرێمی كوردستان، بۆ کۆتا جار رەزامەندی درا لەسەر درێژكردنەوەی ماوەی لێخۆشبوون بەرێژەی 15% لەقەرزی كارەبا لەلایەن هاوبەشانی كارەبا تا رێكەوتی 31-3-2021.

 

بەگوێرەى راگەیەندراوەکە، بڕی لێخۆشبوونەوەکە بەپێی مانگەکان دەگۆڕێت بەجۆرێک تا 31ی 1ی 2021 لێخوشبوون بەڕێژەی 15% دەبێت و لە 1ی 2ی 2021 بڕی لێخۆشبوونەکە دەکرێتە 10%.

 

لەبارەی مانگی ئاداریش وەزارەتی کارەبا بڕیاریداوە لێخۆشبوونی قەرزی کارەبا بکرێتە 5% ئەوەش ڕاگەیەندراوە تاوەکو 31ی 3ی 2021 ئەو لێخۆش بوونەوە دەکرێت.

 

ڕۆژی چوارشەممە، ئومێد ئەحمەد وتەبێژی وەزارەتی کارەبای حکومەتی هەرێمی کوردستان لە لێدوانێکدا بۆ "ناس کورد" ڕایگەیاند، "بڕیاری لێخۆشبوونی 15% قەرزی کارەبا لەسەر داوای وەزیری کارەبا تاوەکو 31ی کانونی دووەمی 2021 دریژ کراوەتەوە، بەڵام نوسراوەکە بەفەرمی لەوبارەیەوە ڕەوانەی بەڕێوەبەرایەتییە گشتییەکانی کارەبا لە پارێزگاکان نەکراوە".  

 

وتیشى، هەرکەسێک لە سەرەتای مانگی یەکەوە پارەی قەرزی کارەبای نیشتمانی دابێت مافی خۆی وەردەگرێتەوە و داشکاندنەکەی بۆ دەکرێت، ئەوەشی لە ئێستادا دەچێت بۆ دانەوەی قەرزەکان دەتوانرێت کارەکانی بۆ ڕاییبکرێت تاوەکو نوسراوە فەرمییەکە دەردەچێت.