گه‌ڕان

Shadow Shadow
سیاسه‌تی

وردەکاریى

حکومەتی عێراق قەدەغەی هاتوچۆی لەگەڵ دوو وڵات هەڵوەشاندەوە 

2021.01.14 - 10:09
App store icon Play store icon Play store icon
حکومەتی عێراق قەدەغەی هاتوچۆی لەگەڵ دوو وڵات هەڵوەشاندەوە 

ناس کورد-

حکومەتی عێراق لە بڕیارێکی نوێدا قەدەغەی هاتوچۆی لەگەڵ ئێران و هۆڵەندا هەڵدەوشێنێتەوە و هەڵپەساردنی هاتوچۆی لەگەڵ ژمارەیەک وڵاتی دیکە ڕاگەیاند.

 

کەناڵی ناس کورد لە تێلیگرام جۆین بکە   

بەگوێرەى ڕاگەیەندراوێکی نوسینگەی راگەیاندنی سەرۆکوەزیرانی عێراق کە "ناس کورد" بەدواداچوونى بۆ کردووە، شەوی ڕابردوو دوای کۆبوونەوەی لیژنەی باڵای تەندروستیی و سەلامەتی نیشتمانیی کە بە سەرۆکایەتی مستەفا کازمی سەرۆک وەزیران بەڕێوەچوو وەک ڕێكارێك بۆ بەرگرتن لە بڵاوبوونەوەی جۆری نوێی ڤایرۆسی کۆرۆنا بڕیادراوە بە هەڵپەساردنی گەشتەکانی ھاتن و چوون لەگەڵ وڵاتانی بەریتانیا، نەمسا، بەلجیکا، دانیمارک، فینلەندا، فەڕەنسا، جۆرجیا، ئەڵمانیا، یۆنان، ئیرلەندا، لۆکسمبۆرگ، سلۆڤاکیا، ئیسپانیا، بەڕازیل، ئەمەریکا، هیندستان، ئوستڕالیا، ژاپۆن، باشووری ئەفریقا و زامبیا.

 

ئەوەش دوای ئەوە دێت لە ڕابردوو حکومەتی عێراق بەپێی بڕیاری ژمارە 231 بۆ ساڵی 2020 بڕیاریدابوو بە هەڵپەساردنی گەشتەکانی ھاتن و چون لەگەڵ ھەریەک لە بەریتانیا، ئەفریقای باشوور، ئوسترالیا، دانیمارک، ھۆڵەندا، بەلجیکا، ئێران و ژاپۆن.

 

بەپێی ئەوەش لە ئیستادا ئەو بڕیارە هەموار کراوەتەوەو هەڵپەساردنی هاتوچۆ لەگەڵ وڵاتانی ئیران و هۆڵەندا هەڵوەشاوەتەوە و ژمارەیەک وڵاتی دیکە بۆ هەڵپەساردنی هاتن و چوون زیاد کردووە.