گه‌ڕان

Shadow Shadow
سیاسه‌تی

وردەکاری

گومرکی باشماخ ڕوونکردنەوە دەدات لەسەر تۆمارکردنی سکاڵا لەدژی دوو پەرلەمانتار

2021.01.11 - 16:46
App store icon Play store icon Play store icon
گومرکی باشماخ ڕوونکردنەوە دەدات لەسەر تۆمارکردنی سکاڵا لەدژی دوو پەرلەمانتار

ناس کورد-

بەڕێوەبەرایەتی گومرگی باشماخ ڕایگەیاند، ئەوان هیچ سکاڵایەکیان تۆمارنەکردووە لەدژی هەردوو پەرلەمانتار عەلی حەمەساڵح و دابان محەمەد و پەیوەندی بەوانەوە نییە بەڵکو "لەلایەن بەڕێوەبەرایەتی دەروازەی نێودەوڵەتی باشماخەوە" بووە.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا کە کۆپییەکی دەستی "ناس کورد" کەوتووە، شاخەوان ئەبوبەکر، بەرێوەبەری گومرگی باشماخ (11ی کانونی دووەمی 2021) دەڵێت، "دوای بڵاوبونەوەی هەواڵی تۆماركردنی سكاڵا لەسەر هەردوو پەرلەمانتار بەڕێزان (عەلی حەمە صاڵح و دابان محەمەد) بە پێویستمانزانی هەموو لایەك لەوە ئاگادار بكەین كە بەڕێوەبەرایەتی گومرگی باشماخ، هیچ سكاڵایەكی تۆمار نەكردوە."

 

دەشڵێت، "ئەو سكاڵایە لەلایەن بەڕێوەبەرایەتی دەروازەی نێودەوڵەتی باشماخەوە تۆمار كراوە و هیچ پەیوەندیەكی بە ئێمەوە نییە."

 

لەسەر سکاڵای کۆمەڵگەی نێودەوڵەتیی باشماخ، دادگای لێکۆڵینەوەی پینجوێن داوای لابردنی پارێزبەندی لەسەر عەلی حەمەساڵح دەکات، ناوبراویش دەڵێت، بێمنەت بن.   

  me_ga.php?id=2134

بەگوێرەی نوسراوێکی دادگای لێکۆڵینەوەی پێنجوێن کە ئاڕآستەی پەرلەمانی کوردستان کراوە، تیایدا هاتووە، "لەسەر سکاڵای کۆمەڵگەی نێودەوڵەتی باشماخ کە سکاڵایان لەسەر عەلی حەمەساڵح، ئەندامی پەرلەمانی کوردستان تۆمارکردووە، گوایە لە تۆڕی کۆمەڵایەتی فەیسبوک تۆمەتی داوەتە پاڵیان، داواکارین بە ڕەزامەندیتان لەسەر لابردنی پارێزبەندییەکەی و گرتنەبەری ڕێکاری یاسایی بەرامبەری."  

 

لەوبارەیەوە، عەلی حەمەساڵح لە فەیسبوکی فەرمیی خۆی بڵاویکردووەتەوە، "قاچاخچی و پاسەوانی قاچاخچیەکان من دەدەن بە دادگا، لە ڕابردوودا بە چەندین ڕێگای جیاواز زۆر هەوڵتان دا بێدەنگ بم لە دۆسیەی قاچاخچیەکان، کۆڵم نەدا تاوەکو ھەمووان تێگەشتن ئەم حوکمڕانە قاچاخچیانە چۆن دزی لە میللەت دەکەن، دوایەمین ھەوڵیان ئەوەیە لە ڕێگای دادگاوە بمانترسێنن، بێمنەت بن و چیتان لەدەست دێت بیکەن."  

  

ئاماژەی بەوەشكردووە، "ئەوە دەیڵێمەوە، قەبارەی قاچاخی مانگانە لە باشماخ ٥٥ ملیۆن دۆلار زیاترە، لە بازاڕی جگەرەکە نوسینگەی قاچاخیان داناوە و ئێستا تەواوی جگەرە بە قاچاخ دێت، لە عەقاری نوسینگەی قاچاخیان بۆ ئۆتۆمبیل داناوەو ھەموو ئۆتۆمبیلێکی ڕێگا پێنەدراو داخڵ دەکەن."