گه‌ڕان

Shadow Shadow
سیاسه‌تی

وردەکاری

پەرلەمانتارێکی پارتی هۆکاری ڕێکنەکەوتنی بەغدا و هەرێم ئاشکرا دەکات

2021.01.10 - 13:34
App store icon Play store icon Play store icon
پەرلەمانتارێکی پارتی هۆکاری ڕێکنەکەوتنی بەغدا و هەرێم ئاشکرا دەکات

ناس کورد-

پەرلەمانتارێکی پارتی لە بەغدا دەڵێت، کێشمەکێش و فشاری سیاسی هۆکاری دواخستنی چارەسەرکردنی کێشە هەڵپەسێردراوەکانی نێوان بەغدا و هەولێرن و تائێستا هیچ ڕێککەوتنێکیش نەکراوە.

کەناڵی ناس کورد لە تێلیگرام جۆین بکە   

 

دانا جەزا، پەرلەمانتار فراکسیۆنی پارتی لە پەرلەمانی عێراق لە میانەی لێدوانێکی ڕۆژنامەوانیدا بۆ ئاژانسی هەواڵیی نیشتیمانی عێراق (10ی کانونی دووەمی 2021) کە "ناس کورد" بەدواداچوونی بۆ کردووە ڕایگەیاند، "تائێستا هیچ ڕێککەوتنێک لە نێوان بەغدا و هەولێر لەبارەی پشکی هەرێم لە بودجەی 2021 و شایستە داراییەکانی فەرمانبەرانی هەرێمی کوردستان نەکراوە، سەربارەی ئەوەی کە هەڵویستێکی گشتی بۆ چارەسەرکردنی کێشەکان هەیە".

کەناڵی ناس کورد لە تێلیگرام جۆین بکە

پەرلەمانتارەکە پارتی ڕوونیکردووەتەوە کە "ڕاڤەکردن بۆ هەندێک لە ماددەکانی دەستور و ئەو بابەتانەی کە پەیوەندی بە قەربووکردنەوەی موچەخۆرانی هەرێمەوە هەیە، هۆکاری نەگەیشتنە بە ڕێککەوتن لەنێوان بەغدا و هەولێر".

جەزا باسیلەوەشکردووە، "کەشی هەڵبژاردنەکان وایکردووە هەندێک لە لایەنە سیاسییەکان بەمەبەستی قۆستنەوەی دۆخەکە بۆ مەرامەکانی خۆیان، لەمپەڕ لە بەردەم گەیشتن بە ڕێککەوتنەکە دروست بکەن".

 

پەرلەمانتارەکەی پارتی ئەوەشی خستووەتەڕوو، "بەشێک لە لایەنەکان پڕوپاگەندەی ئەوە دەکەن گوایە داهات وخێرو بێری ناوچەکانی باشوری عێراق دەدرێت بە هەرێمی کوردستان، ئەوەش ڕاست نییە، سەربارەی ئەوەی کە بۆچوونی ئەرێنی هەیە بۆ چارەسەرکردنی کێشەکان، بەڵام کێشمەکێشە سیاسییەکان ڕۆڵیان هەیە لەبردنی پرسەکە بەئاقارێکی دیکەدا."