گه‌ڕان

Shadow Shadow
سیاسه‌تی

وردەکاری

پێشبینی بارینی بەفر و باران لە هەرێمی کوردستان

2021.01.10 - 12:23
App store icon Play store icon Play store icon
پێشبینی بارینی بەفر و باران لە هەرێمی کوردستان

ناس کورد-
کەشناسێکی عێراقی پێشبینی دەکات لە سەرەتای وەرزی بەهاری ئەمساڵدا ڕێژەی بارانبارین ڕوو لە هەڵکشان بکات و لە ناوەڕاستی ئەم مانگەشدا شەپۆلێکی بەفربارین و بارانبارین ڕوو لە ناوچەکانی هەرێمی کوردستان بکات.

کەناڵی ناس کورد لە تێلیگرام جۆین بکە   

 

عەلی موسەوی، شارەزای کەشناسی عێراق لە میانەی بڵاوکردنەوەی بابەتێک لە هەژماری خۆی لە فەیسبوک (10ی کانونی دووەمی 2021) کە "ناس کورد" بینوویەتی ئاماژەی بەوەکردووە، "دەرفەتی بارانبارین لە وەرزی زستانی ئەمساڵدا لاواز دەبێت، بەجۆرێک ڕێژەی گشتی بارانبارین بەراورد بە چەند ساڵی ڕابردوو لە خوار تێکرای گشتیدا دەبێت".

کەناڵی ناس کورد لە تێلیگرام جۆین بکە

ئەو کەشناسە عێراقییە ئاماژەی بەوەشداوە، "نەخشەکانی کەشوهەوا ئەوەیان نیشانداوە کە حاڵەتێکی بارانبارین لە ناوەڕاستی ئەم مانگەدا ناوچەکانی هەرێمی کوردستان دەگرێتەوە کە هاوکات دەبێت لەگەڵ بارینی بەفر لەسەر ناوچە شاخاوییەکاندا".

 

موسەوی ئەوەشی ڕوونکردووەتەوە، "بەهۆی کاریگەری هاتنی نزمەپاڵەپەستۆیەکی بەستەڵەکی دەرفەتی بارانبارین و بەفربارین لەناوچەکانی هەرێمی کوردستان دروست دەبێت، کاریگەری ئەو نزمە پاڵە پەستۆیەش لەسەر ناوچەکانی دیکەی عێراق لاوازدەبێت، بوونی بەرزە پاڵەپەستۆی نیمچە خولگەیی لەسەر ناوچەکە، کاریگەری دەبێت لەسەر کەمبوونەوەی ڕێژەی دابارین لە وەرزی زستاندا کە ئەوەش وادەکات ڕێژەی شی و پلەی گەرماش بەدەر لە تێکرای گشتی خۆی زیاتربێت".

 

کەشناسە عێراقییەکە ئەوەشی خستووەتە ڕوو، "پلەکانی گەرما تا کۆتایی ئەم مانگە پارێزگاری لە ئاستی خۆیان دەکەن، بەڵام لەگەڵ هاتنی مانگی شوبات و بەهۆی هاتنی تۆپەڵە هەوایەکی ساردەوە پلەکانی گەرما ڕوو لە دابەزین دەکەن".