گه‌ڕان

Shadow Shadow
سیاسه‌تی

وردەکاری

کۆرۆنا نزیکەى 13 هەزار کەسی لە عێراق کوشتووە

2021.01.09 - 09:50
App store icon Play store icon Play store icon
کۆرۆنا نزیکەى 13 هەزار کەسی لە عێراق کوشتووە

ناس کورد-

بەپێی ئامارەکان، تائێستا لە عێراق 12 هەزار و 877 کەس بەهۆی پەتای کۆرۆناوە گیانیان لەدەستداوە، لەو ژمارەیەش سێ هەزارو 415 کەسی لە هەرێمی کوردستانە.

کەناڵی ناس کورد لە تێلیگرام جۆین بکە   

 

بەپێی ئامارەکانی هەردوو وەزارەتی تەندروستیی هەرێم و عێراق کە "ناس کورد" بەدواداچوونی بۆ کردووە (9ی کانونی دووەمی 2021) ژمارەی توشبووانی کۆرۆنا لە عێراق لە ئیستادا، 601 هەزارو 424 کەسە، لەو ژمارەیەش 12 هەزار و 877 کەس گیانیان لەدەستداوە و 553 هەزارو 25 کەس لە پەتاکە چاکبوونەتەوە.

 

هاوکات لە چوار پارێزگای هەرێمی کوردستان (هەولێر، سلێمانی، دهۆک و هەڵەبجە) تا ئیستا 104 هەزارو 195 کەس وەک توشبووی کۆرۆنا تۆمار کراون، سێ هەزار و 415 کەس گیانیان لەدەستداوە و 78 هەزارو 40 کەسیش لە پەتاکە چاکبوونەتەوە.

 

ژمارەی ئەو کەسانەی کە لەئێستادا توشبووی کۆرۆنان 22 هەزارو 740 کەسە لە هەرێمی کوردستان کە هەولێر لە پلەی یەکەمدایە و دواتر پارێزگای دهۆک و سلێمانی و هەڵەبجەیە.

 

سەبارەت بە ژمارەی گیانلەدەستدان لە پارێزگاکانی هەرێمی کوردستان ئەوە ئاشکرا کراوە، سلێمانی لە پلەی یەکەمدایە و هەولێر لەپلەی دووەمدایەو دواتر پارێزگای دهۆک و هەڵەبجەیە.